मनोनयन दर्ता
महोत्तरी समाचारदाता
जलेश्वर, कात्तिक १६ गते । आगामी मङसिर २१ गते हुने प्रतिनिधिसभा र प्रदेश सभाको लागि बिहीबार महोत्तरीमा उम्मेदवारी मनोनयन गरिएको छ । समाचार लेख्दासम्म मनोनयन जारी रहेको देखिएको छ ।
महोत्तरी जिल्लामा राष्ट्रिय जनता पार्टीका संयोजक महन्थ ठाकुर क्षेत्रनं. ३ बाट प्रतिनिधिसभामा, राजपा अध्यक्ष मण्डलका सदस्य शरदसिंह भण्डारी क्षेत्रनं. २ बाट, स्वास्थ्यमन्त्री गिरीराजमणी पोखरेलले क्षेत्रनं. १ बाट प्रतिनिधिसभामा उम्मेदवारी दर्ता गराउनुभएको छ भने नेपाली काँग्रेसबाट राष्ट्रपति विद्यादेवी भण्डारीकी समधिनी किरण यादवले क्षेत्रनं. २ बाट प्रतिनिधिसभामा मनोनयन दर्ता गराउनुभएको छ ।
राजपाका संयोजक ठाकुरले प्रतिनिधि मार्फत तथा राजपाका नेता भण्डारी, पोखरेल तथा यादवले आफै उपस्थित भएर उम्मेदवारी दर्ता गराउनुभएको छ ।त्यसैगरी मनोनयन दर्ताको क्रममा पार्टीले टिकट नदिएको कारणले राजपाका महामन्त्री देवेन्द्र यादव क्षेत्रनं. ४ बाट, राजपाका नेता चन्देश्वर झा क्षेत्रनं. ३ बाट तथा एमाओवादीका युवा नेता सत्येन्द्र यादव क्षेत्रनं. ३ को (ख)बाट स्वतन्त्र उम्मेदवारी दर्ता गराउनुभएको छ । राजपाका नेता झा यसअघि महोत्तरीको क्षेत्रनं. ४ बाट स्वतन्त्र उम्मेदवारको रुपमा विजयी हुनुभएको थियो भने एकमहिना अगाडी मात्रै राजपामा प्रवेश गर्नुभएको थियो ।
महोत्तरी जिल्लामा रहेको ४ वटा निर्वाचन क्षेत्रमा प्रतिनिधिसभा तर्फ नेपाली काँग्रेसबाट क्रमशः सीताराम भण्डारी, किरण यादव, बजरंग नेपाली र महेन्द्र यादव, वामगठबन्धनबाट गीरिराजमणी पोखरेल, कासिम बैठा, विजय चौधरी र रजी हैदरले मनोनयन दर्ता गराउनुभएको हो ।
त्यसैगरी राजपा फोरम गठबन्धनबाट प्रतिनिधिसभामा लक्ष्मी महतो, शरतसिंह भण्डारी, महन्थ ठाकुर र डा.सुरेन्द्र यादवले मनोनयन दर्ता गराउनुभएको निर्वाचन अधिकृतको कार्यालयले जनाएको छ ।
त्यसैगरी प्रदेश सभातर्फ चारवटै क्षेत्रमा (क) र (ख) गरी क्रमशः दुई दुईवटा क्षेत्र रहेका छन् । जसमा नेपाली काँग्रेसबाट क्रमशः प्रहलाद क्षेत्री, रामश्रेष्ठ महतो, सुशिल यादव, राजकरण साह, शम्भु नारायण पाठक, पवनकुमार साह, गोकुल यादव र दिप्ताँशुकुमार सिंहले उम्मेदवारी दर्ता गराउनुभएको छ भने वामगठबन्धनबाट प्रदेशको (क) मा दुई जना राजु खडका र शारदा थापा तथा (ख) मा भरत साह, राजकिशोर यादव, अजय यादव, रामआधार कापर, विजयलाल कर्ण, रामबाबु चौधरी र सरोज यादवले उम्मेदवारी दर्ता गराउनुभएको छ ।
त्यसैगरी राजपा फोरमबाट क्षेत्रनं. २ को (क) मा जैनुल राईन र (ख)मा सुरिता साह, क्षेत्रनं. ३ को (क) मा अभिराम शर्मा र (ख) मा रानी शर्मा, क्षेत्रनं. ४ को (क) मा कौशल किशोर यादव र (ख) मा सरोजसिंह कुशवाहाले मनोनयन दर्ता गराउनुभएको छ ।
मुख्य निर्वाचन अधिकृत प्याकुरेलले अहिलेसम्म मनोनयन जारीरहेकोले कतिजनाले मनोनयन ग¥यो भने भन्न नसकिने बताउनुहुदै क्षेत्रनं. ३ मा प्रतिनिधिसभा तर्फ समाचारलेख्ने बेलासम्म १० जनाले तथा प्रदेशसभा तर्फ (क)मा ९ तथा (ख) मा २७ जनाले मनोनयन दर्ता गराउनुभएको जानकारी दिनुभयो ।
(फोटो ः मनोनयनपत्र दर्ता गराउन लाममा स्वास्थ्थमन्त्री पोखरेल तथा उम्मेदवारी गर्न आउनुहुदै भण्डारी) नागेन्द्रकुमार कर्ण, महोत्तरी समाचारदाता
