अप्पन वात अप्पन विचार

स्थानिय पत्रकार तथा साहित्यप्रेमी नागेन्द्रकुमार कर्ण “मैथिल संदेश साप्ताहिक” का सम्पादक एवं प्रकाशक हुनुहुन्छ। समाज, संस्कृतिको संरक्षण र जनचेतनामूलक लेखनमार्फत निरन्तर सक्रिय रहनुहुन्छ। प्रकाशक तथा सम्पादक कर्ण गाेरखापत्र दैनिककाे महाेत्तरी समाचारदाताकाे रुपमा पनि विगत डेढ दशकभन्दा बढी समयदेखि कार्यरत हुनुहुन्छ ।

Wednesday, March 18, 2026

मैथिल संदेश साप्ताहिक फाल्गुन २८ गते २०८२, अंक ३२

मैथिल संदेश साप्ताहिक फाल्गुन २१ गते २०८२, अंक ३१

Monday, March 9, 2026

पच्चीस वर्षपछि महोत्तरीमा क्लिन स्वीप

महोत्तरी समाचारदाता (नागेन्द्रकुमार कर्ण)

महोत्तरी, फागुन २५ गते । महोत्तरी जिल्लामा पच्चीस वर्षपछि कुनै पार्टीले क्लिन स्वीप गरेको देखिएको छ । प्रतिनिधिसभा निर्वाचन २०८२ मा राष्ट्रिय स्वतन्त्र पार्टीले जिल्लाको चारवटै क्षेत्रमा क्लिन स्वीप गरेर राजनीतिकवृत्तमा चर्चाको विषय पाएकोे छ ।

राजनीतिकमा लामो समयदेखि लाग्नुभएका जलेश्वर नगरपालिका वडानं. ४ का भोला तिवारीले अहिले राष्ट्रिय स्वतन्त्र पार्टीको देशभरि मात्रै नभई जिल्लामा पनि देखिएको क्लिन स्वीपले चर्चा पाएको बताउनुभयो । उहाँले पच्चीस वर्ष अगाडी २०५६ सालमा नेपाली काँग्रेसले जिल्लाको चारवटै क्षेत्रमा क्लिन स्वीप गरेपनि अहिले जस्तो मतान्तर तथा नचिताएको नतिजा नल्याएको बताउनुहुदै नयाँ अनुहार तथा मधेशी प्रधानमन्त्रीको चर्चाले जिल्लामा क्लिन स्वीप भएको अनुमान गर्नुभयो ।

मैथिल संदेश साप्ताहिक फागुन १४ गते २०८२ अंक ३०

मैथिल संदेश साप्ताहिक फागुन ७ गते २०८२ अंक २९

मैथिल संदेश साप्ताहिक माघ २९ गते २०८२ अंक २८

मैथिल संदेश साप्ताहिक माघ २२ गते २०८२ अंक २७

मैथिल संदेश साप्ताहिक माघ १५ गते २०८२ अंक २६

मैथिल संदेश साप्ताहिक माघ ८ गते २०८२ अंक २५

मैथिल संदेश साप्ताहिक पुस २४ गते २०८२ अंक २४

मैथिल संदेश साप्ताहिक पुस १७ गते २०८२ अंक २३

मैथिल संदेश साप्ताहिक पुस १० गते २०८२ अंक २२

मैथिल संदेश साप्ताहिक पुस ३ गते २०८२ अंक २१

Thursday, January 22, 2026

महोत्तरीमा हेविभेट वागी उम्मेदवार थोरै

महोत्तरी समाचारदाता (नागेन्द्रकुमार कर्ण)

महोत्तरी, माघ ८ गते । महोत्तरी जिल्लामा प्रतिनिधिसभा निर्वाचन २०८२ मा वागी उम्मेदवारको संख्या थोरै देखिएको छ । वागी उम्मेदवार थोरै देखिएपनि उनीहरु नतिजाको दिशा मोड्न सक्ने बताइएको छ ।

जिल्लामा रहेको चारवटा क्षेत्रहरु मध्ये क्षेत्रनं. १ र क्षेत्रनं. ३ मा मात्रै हेविभेट वागी उम्मेदवार देखिएको छ । क्षेत्रनं. १ मा राष्ट्रिय स्वतन्त्र पार्टीबाट उम्मेदवारीको चर्चा चलेका विजय पोखरेल अन्तिम समयमा आएर टिकट नपाएपछि स्वतन्त्र उम्मेदवारी दिनुभएको छ । नेपाल पत्रकार महासंघ महोत्तरी शाखाका कार्यसमिति सदस्य तथा सो क्षेत्रमा जेनजी पुस्तावीच रुचाइएका पोखरेललाई पार्टीले अन्तिम समयमा उम्मेदवारीको लागि टिकट नदिएपछि उहाँले वागी भएर स्वतन्त्र रुपमा उम्मेदवारी दर्ता गराउनुभएको हो । राष्ट्रिय स्वतन्त्र पार्टीले क्षेत्रनं. १ मा प्रमोद कुमार महतोलाई उम्मेदवार बनाएको हो ।

तीन टिकट महाविकट

नागेन्द्रकुमार कर्ण

महोत्तरी, माघ ७ गते । महोत्तरी जिल्लामा माघ ६ गते मंगलबार उत्साहपूर्वक प्रतिनिधिसभा निर्वाचन २०८२ को मनोनयन दर्ता भएको छ । प्रतिनिधिसभा निर्वाचनको लागि महोत्तरीमा रहेको चारवटै क्षेत्रमा १४३ जनाले मनोनयन गराएका छन् । जसमा २० जना महिला तथा १२३ जना पुरुष रहेको निर्वाचन अधिकृतको कार्यालयले जारी गरेको अन्तिम नामावलीले देखाएको छ ।

जिल्लामा क्षेत्र नं. १ मा पाँच महिला तथा २२ पुरुष गरि २७ जना, क्षेत्रनं. २ मा पाँच महिला र ३२ पुरुष गरि ३७ जना, क्षेत्रनं. ३ मा तिन महिला तथा ३९ पुरुष गरि ४२ जना तथा क्षेत्रनं. ४ मा सात जना महिला र ३० पुरुष गरि ३७ जनाले उम्मेदवारी दिएको देखिएको छ ।

जिल्लाको चारवटै निर्वाचन क्षेत्रमा विगतदेखि नै दोहोरिएका तथा निर्वाचनमा विजयी भएका उम्मेदवारदेखि लिएर नयाँ नयाँ अनुहार भएका पनि उम्मेदवारी दिएका छन् । कतिपय उम्मेदवारहरुले तेस्रोपल्ट पनि लगातार आफ्नो विजयी पताका लहराउन चुनावी मैदानमा आएका छन् ।