नागेन्द्रकुमार कर्णका केही मुक्तकहरु

नागेन्द्रकुमार कर्णका केही मुक्तकहरु

१)

ढुङगाको काप फोरेर पिपल उमे्र झै, मेरो दिलमा उम्रयौं तिमी ।
चैत्रको पारिलो घामले तताए झै, मेरो दिललाई ततायौं तिमी ।।
कल्पना नै थिएन मलाई, इन्द्रेणी बन्छौ तिमी वर्षात पछिको ।
मरुभुमिको मृगतृष्णा झै, दिलको गहिराईमा छाएर गयौं तिमी ।।

२)

राजनीतिको मियो हल्लिएको बेला, सियो पाउनै गाह्रो भा’ छ ।
लुँछाछुँडी र खिचातानीको बेला, सहमती गर्ने गाह्रो भा’ छ ।।
के गर्नु कराएर हजुर, शान्ति भुमि यो बुद्धको देशमा
पैसा पद र पहुँच बिनाको माया पाउन पनि गाह्रो भा’ छ ।। 

३)

चिन्नु भो भन्छौ, विर्सु म कसोरी ।
नठान मलाई तिमी बैगुनी सरी ।।
भन्थ्यौ भने रगत पनि दिन्थे ।
तर छोडेर गयौ नर्फकने गरी ।।

शिक्षा कार्यालयमा धर्नाले कामकाज अवरुद्ध, शिक्षक फ्रन्टहरुमा पनि तालावन्दी

शिक्षा कार्यालयमा धर्नाले कामकाज अवरुद्ध, शिक्षक फ्रन्टहरुमा पनि तालावन्दी
महोत्तरी समाचारदाता
जलेश्वर, असोज ९ गते । अस्थाई शिक्षक आन्दोलन समिति महोत्तरीले आफ्ना विभिन्न माँगहरुसहित जिल्ला शिक्षा कार्यालयको कामकाज ठप्प पार्दै धर्ना दिएका छन् ।
आफ्ना माँगहरुप्रति शिक्षक सम्बद्ध संघ, संगठनहरु समेत गम्भीर नभएको भन्दै शिक्षक संघ, शिक्षक संगठन, अखिल शिक्षक संघलगायतका कार्यालयमा समेत तालावन्दी गरिएको अस्थाई शिक्षक आन्दोलन समिति महोत्तरीका अध्यक्ष राधेश्याम झाले जानकारी दिनुभयो । उहाँले जिल्ला शिक्षा कार्यालयमा आईतबार र सोमबार कामकाज ठप्प गरी धर्ना दिइने जानकारी दिनुभयो ।उहाँले आफुहरु विभिन्न माँगसहित आन्दोलनमा रहेपनि माँग पुरा गर्नुको साटो शिक्षा विभागले यही समयमा आफुहरुलाई धम्क्याउनको लागि अवकाश फाराम समेत भर्न उर्दि जारी गरेकोले आन्दोलनमा उत्रनुपरेको वताउनुभयो ।
आफुहरुले यी फारामलाई जलाएर विरोध जनाएको जानकारी दिनुहुदै आन्दोलन समितिका अध्यक्ष झाले भन्नुभयो, ‘आफुहरुलाई सरकारले अवकाश फारामको नाममा तमसुक र दृष्टिबन्धक भर्न दिएको छ जो आफुहरुलाई मान्य छैन् ।’ नगरको विभिन्न भागको परिक्रमा गर्दै अगाडी बढेको विरोध जुलुस जिल्ला शिक्षा कार्यालयको अगाडी आएर अवकाश फाराम जलाएका थिए ।

शिक्षा विभागले अस्थायी शिक्षकले गोल्डेन ह्यान्सेक लिने वा आन्तरिक प्रतिस्पर्धामा भाग लिने भन्ने सुचना प्रकाशित गरेपछि अस्थायी शिक्षकहरु एकपल्टको लागि स्थाई परिक्षा दिन पाउनुपर्ने माँग गर्दै आन्दोलन गर्दै आएका थिए तर पुनः अहिले असोज १० गते भित्र अवकाश फाराम भरिसक्नुपर्ने भन्ने सुचना प्रकाशित गरेपछि अस्थायी शिक्षकहरु रुष्ट भई सशक्त आन्दोलन शुरु गरेका छन् ।

विगतमा अस्थायी शिक्षकको समस्या समाधानका लागि शिक्षा ऐन नियमावली संशोधन गरि सोही अनुसार व्यवस्था गर्ने भन्ने भएको तर शिक्षा विभागले अहिले शिक्षा नियमावली संशोधन भई नसकेको अवस्थामा विगतको सहमतिलाई वेवास्ता गर्दै एकतर्फी अवकासको फाराम भर्न लगाउनु र शिक्षक सेवा आयोगलाई विज्ञापनको प्रकिया अगाडि बढाउन खोज्नु आपत्तीको विषय भएकोले सो फाराम भराउने र विज्ञापनको प्रक्रिया अगाडि बढाउने कार्य तुरुन्त रोक्न शिक्षकहरु आन्दोलनमा उत्रेका हुन् ।
शिक्षक महासंघले समेत यी सूचनालाई सच्याउन सरकारलाई आग्रह गरिसकेका छन् ।

सडक बनाउन चारजनाले गरे शुरु गरे आमरन अनसन

सडक बनाउन चारजनाले गरे शुरु गरे आमरन अनसन
महोत्तरी समाचारदाता
जलेश्वर, भदौ २८ गते । जनकपुर भिठामोड सडकखण्ड निर्माणको लागि गठित महोत्तरी धनुषा संयुक्त संघर्ष समितिले विभिन्न माँगहरु राख्दै जिल्लाको पिपरामा मंगलबारदेखि आमरन अनसन शुरु गरेको छ ।
आमरन अनसनमा वृहत्तर जनकपुर क्षेत्र विकास परिषदका अध्यक्ष एवम् संयुक्त संघर्ष समितिका संयोजक रामकुमार शर्मासहित चारजना बस्नु भएको हो । आमरन अनसनमा बस्नुभएकाहरुमा नेकपा माओवादी केन्द्रका युवा नेता सत्येन्द्र यादव, तमलोपाका युवा नेता रमणकुमार ठाकुर र स्वतन्त्र मधेश गठबन्धनका रञ्जितराज मधेशी रहनुभएको छ । जनकपुर भिठामोड सडकखण्डको मध्यमा पर्ने पिपरा बजारमा आमरन अनसन शुरु गरिएको हो ।  भिठामोड जनकपुर सडकखण्ड (विद्यापति राजमार्ग) ६ लेनको बनाउनुपर्ने, सडक निर्माणशुरु भएपछि संयुक्त अनुगमन समिति बनाउनुपर्ने, सडकको काम तत्कालै शुरु गर्नुपर्ने, पेटी कन्ट्याक्टरले नभई प्रमुख निर्माण व्यवसायीद्वारा नै सडक बनाउनुपर्ने माँग आफुहरुको भएको वताउनुहुदै संघर्ष समितिका संयोजक शर्माले माँग पुरा नभए आन्दोलन नरोकिने बताउनुभयो ।
नयाँ शक्ति पार्टीका केन्द्रीय सदस्य समेत रहनुभएका नेता शर्माले भन्नुभयो, ‘अब सडक बन्छ कि लाश उठछ ।’
भाद्र १२ गते जिल्ला प्रशासन कार्यालय महोत्तरी र धनुषामार्फत प्रधानमन्त्रीलाई ज्ञापनपत्र पठाई संयुक्त संघर्ष समितिले आन्दोलनको घोषणा गरेपछि यातायात मन्त्री रमेश लेखकले भदौ २४ गते आएर ४ लेन सडकको शिलान्यास गर्नुभएको थियो । तर संघर्ष समितिले सडक ६ लेनको हुनुपर्ने माँग अघि सादै आएको छ ।
संघर्ष समितिले शनिबार र आईतबार दुई दिन सो सडक बन्द गर्नुका साथै सोमबार जनकपुर भिठामोडसम्मको १९ किमी सडकमा मानव साँगलो समेत बनाएका थिए ।
जनकपुरदेखि भिठामोडसम्मको १८.७५ किमीको सडक निर्माणको लागि दुई कम्पनीले ठेक्का लिइसकेको र यातायात मन्त्री लेखकले शिलान्यास गरिसकेको सो सडक दशैंपछि शुरुवात गरिने जनाइएको छ ।
सो सडकखण्डको ९ किलोमिटर सडक अर्थात जनकपुरदेखि पिपराको पुलसम्म प्रतिभा वाईपी जेभी कन्ट्रक्शन र पिपराको पुलदेखि भिठामोडसम्म आशिष पप्पु जेभी रोशन कन्ट्रक्शनले ठेक्का लिइसकेको छ भने यो सडकको ठेक्का भ्याटसहित ९६ करोड ४४ लाखमा लिइएको छ ।

खुल्ला दिसामुक्त अभियानलाई सघाउन शुरु गरिएको धार्मिक पदयात्रा महोत्तरीमा

खुल्ला दिसामुक्त अभियानलाई सघाउन शुरु गरिएको धार्मिक पदयात्रा महोत्तरीमा
महोत्तरी समाचारदाता
जलेश्वर, भदौ २८ गते । सरसफाई सम्बन्धी जनचेतना फैलाउन र खुल्ला दिसा मुक्त अभियानलाई सघाउन सर्लाही जिल्लाको सिसौटियाबाट शुरु भएको रामजानकी डोलासहितका रामनाप जप पदयात्रा महोत्तरी आइपुगेको छ ।
नेपालमा पहिलोपल्ट खुल्ला दिसा मुक्त क्षेत्र घोषणाको लागि हात्ती, घोडा, ट्याक्टर, रामजानकीको डोलासहितको लावालस्कर जिल्लाको सरपल्लो आईपुगेको हो । सरपल्लोमा स्थानीयहरुले पुजापाठसहित लावालस्करलाई भव्य स्वागत गरेको छ । दुई दिन अघि सर्लाहीबाट शुरु भएको सो धार्मिक पदयात्रा सर्लाही, महोत्तरी र धनुषाको विभिन्न गाउँहुँदै जनकपुरको जानकी मन्दिरमा पुगेर समापन हुने जनाइएको छ ।
सो पदयात्रा युएनहयाविडेटको साझेदारीमा बागमती सेवा समाज नेपाल सर्लाहीद्वारा आयोजना गरिएको हो । जसमा दुईसय भन्दा बढी व्यक्तिहरुको सहभागिता रहेको छ भने हात्ति, घोडा, ट्याक्टर, रामजानकीको डोला समेत रहेको बागमती सेवा समाज नेपाल सर्लाहीका टेक्निकल एडभाइजर गजेन्द्र साहले जानकारी दिनुभयो । सर्लाही जिल्लाको सबैभन्दा फोहोरी गाविसको रुपमा चिनिएको सिसौटिया गाविसमा केही दिन पहिला खुल्ला स्थानमा रहेको ३ सय २१ केजी दिसालाई गाविस सचिव, राजनैतिकदल, समाजसेवी, जिम्मेवारी समूह, शिक्षक, युवाहरुले मिलेर हटाएको थियो ।
सरसफाईको महत्व बुझेपछि स्थानीयहरुले आफै धार्मिक पदयात्रा गर्ने जनाएपछि सरसफाईमा जनचेतना जगाउन र खुल्ला दिसा मुक्त अभियानमा सहयोग पुग्ने अभिप्रायले पदयात्रा शुभारम्भ गरिएको साहले जानकारी दिनुभयो ।
रामजानकीको डोला र बाजागाजासहितको लावालस्करहरुलाई बाटोमा सबैले पुजापाठका साथ स्वागत गर्ने गरेको पदयात्रामा सहभागी स्थानीय राजीवकुमार मण्डलले जानकारी दिनुभयो । उहाँले बाटोभरी रामनामको जयकार लगाउँदै लस्कर अगाडी बढने गरेको वताउनुभयो ।
दुई दिन अगाडी सर्लाहीका प्रमुख जिल्ला अधिकारीसहितका कार्यालय प्रमुखहरुले फुलमाला, अबिरसहित पदयात्राको शुभारम्भ गर्नुभएको थियो । स्थानीय व्यासजीको उपनामले चिनिनुहुने नागेन्द्र मण्डलको नेतृत्वमा निस्केको सो धार्मिक लस्कर वुधबार भने धनुषाको दुधबार भन्ने ठाउँमा रात्रि विश्राम गर्ने कार्यक्रम रहेको जनाइएको छ । रात्रि विश्रामस्थलमा धार्मिक झाँकी पनि प्रर्दशन भइरहेको   छ ।
    सो धार्मिक यात्रा बिहीबार र शुक्रबार जनकपुरको विभिन्न मन्दिरहरुमा पुजापाठ र परिक्रमा गरी समापन हुने जनाइएको छ ।

जवान युवतीसँग जब कालिदासले पानी मागे … (रोचक संवादसहित)

 28.7K  12  56  310 Sep, 2016

कालिदास एकपटक भ्रमणको क्रममा एउटा गाउँमा पुगे । उनी एकदमै तिर्खाएका थिए । एउटा घरको ढोकामा पुगेर उनले पानी मागे । ढोका उभिएकी एक युवती र ज्ञान हासिल गरेर चर्चित भइसकेका कालिदासको बीच रोचक संवाद भयो ।

कालिदास : कृपया, पानी दिएर पुण्य कमाउनुहोस् ।

युवती : मैले तपाईंलाई चिनेकै छैन । पहिला आफ्नो परिचय दिनुहोस् । म अवश्य पानी दिनेछु ।

कालिदास : म पाहुना हुँ, कृपया पानी दिनुहोस् ।
युवती : तपाई कसरी पाहुना ? संसारमा त दुईवटा कुरा मात्र पाहुना हुन्छन् । एउटा धन र अर्को यौवन । यिनीहरु आउन र जानमा समय लाग्दैन । सत्य कुरा भन्नुहोस्, खासमा तपाई को हुनुहुन्छ ?

(तर्क दिँदादिँदा हैरान भएका उनी अलि हताश भइसकेका थिए)

कालिदास : म सहनशील हुँ । अब पानी दिनुहोस् ।

युवती : होइन, सहनशील दुई मात्र हुन्छन् । पहिलो, पृथ्वी जसले पापी र धर्मात्मा सबैलाई बोकेकी हुन्छिन् । उनको छाती चिरेर बिउ रोप्नेलाई पनि फल दिन्छिन् । अर्को सहनशील हो वृक्ष जसले ढुंगाले हान्दा पनि फल दिन्छ । तपाई सहनशील होइन । साँचो कुरा बताउनुहोस् ।

(कालिदास लगभग तनावपूर्ण अवस्थामा पुगिसकेका थिए । थप तर्क गर्न थाले)

कालिदास : म हठी हुँ ।

युवती : फेरि झूठ । हठी त नङ र कपाल हुन् । जति काट्नुहोस्, पटक-पटक आउँछन् । सत्य कुरा भन्नुहोस् यहाँ को हुनुहुन्छ ?

(कालिदासले आफूलाई अपमानित महसुस गरे, उनी लगभग पराजित भइसकेका थिए)

कालिदास : त्यसोभए म मूर्ख हुँ ।

युवती : होइन, तिमी मुर्ख कसरी हुन सक्छौ । मुर्ख त दुई हुन्छन्- पहिलो, राजा जसले आफ्नो अयोग्यताको बावजुद पनि योग्यहरुमाथि शासन गर्छन् र अर्को मूर्ख दरबारका पण्डित हुन् जसले राजालाई खुसी बनाउन गलत तर्क गरेर पनि झूठलाई सही सावित गर्न खोज्छन् ।

(केही पनि बोल्न नसकेपछि कालिदास युवतीको पाउ परे र पानी माग्न थाले)

युवती : उठ्नुहोस् महानुभाव ! (आवाज सुनेर कालिदासले माथि हेर्दा त उनी साक्षात् सरस्वती रहिछन्, अनि कालिदास झन नतमस्तक भए)

सरस्वतीले भनिन्- शिक्षाबाट ज्ञान हासिल गर्नु पर्छ न कि अहंकार । तपाईले शिक्षाको बलबाट प्राप्त गर्नुभएको मान र प्रतिष्ठालाई नै आफ्नो उपलब्धि मान्नुभयो र घमण्ड गर्नुभयो । यसकारण तपाईको तेस्रो नेत्र खोल्न म यहाँ आएकी हुँ ।

कालिदासले आफ्नो गल्ती महसुस गरे र टन्न पानी पिएर फर्किए ।

शिक्षा : विद्वत्तामाथि कहिल्यै घमण्ड नगर्नुहोस् । यही घमण्डले तपाईको विद्वत्ता नष्ट गरिदिनेछ ।

यो पनि पढ्नुहोस्:

एकदमै रोचक र प्रेरक प्रसंग: जब दार्शनिकले राजाको कुकुरलाई नदीमा फालिदिए … !

(सामाजिक सञ्जालमा भेटिएको यो प्रसंग केवल सन्देशको लागि मात्र पोस्ट गरिएको हो  । यसको आधिकारिकताबारे साझापोस्ट जवाफदेही हुनेछैन: सम्पादक)

तेस्रो मधेश आन्दोलनको एक वर्ष पुरा ६ शहिद, ८८ जनामाथि मुद्दा

संविधानको मस्यौदा आएदेखि नै आफ्ना अधिकारको लागि आन्दोलन गर्दै आएका मधेशवादीदलहरुले ६ महिना लामो अवधिसम्म गरेको आन्दोलनको एकवर्ष पुगिसकेको छ । 

सो अवधिमा महोत्तरीमा ६ जनाले सुरक्षाकर्मीको गोली खाएर शहादत दिए भने विभिन्न कार्यक्रमहरुमा सहभागी भएर शहादत दिएकाहरुको संख्या महोत्तरीमा १० छ । एकजना सशस्त्र प्रहरीको पनि आन्दोलनकारीको कुटपिटबाट मृत्यु भएको थियो । दर्जनौं घाइते पनि भए । तर विभिन्न कारणहरुले गर्दा सरकारले ६ जनाबाहेक कसैलाई पनि शहिदको दर्जामा राखेको पाईन्न् । 

गतवर्ष साउन २९ गतेदेखि शुरु भएको आन्दोलन उत्कर्षमा पुग्दै विभिन्न चरणमा गरेर झण्डै ६ महिना लामो अवधिसम्म चल्न सफल भएको थियो । जो दुनियाँमै यतिका दिनसम्म चलने आन्दोलन मध्येको एक हो । यस्ता आन्दोलन संसारमा विरलै हुने गर्छन् र होला पनि । 

सो अवधिमा महोत्तरीमा सुरक्षाकर्मीको गोली लागि भदौ २३ गते चारजना र भदौं २५ गते एक सुरक्षाकर्मीसहित ३ जना गरी ७ जनाको मृत्यु भएको थियो । 

भदौं २३ वुधबार महोत्तरीमा सुरक्षाकर्मीको गोली लागि जलेश्वर नगरपालिका वडानं. ७ बजराही बस्ने रोहन चौधरी, जलेश्वर नपा १४ बखरी बस्ने अमित कापर र महोत्तरी गाविस वडानं. ५ बस्ने रामविवेक यादव, पिगौनाका विरेन्द्र बिच्छा, भदौ २५ गते शुक्रबार सशस्त्र प्रहरीका असई थमनबहादुर बिक, हात्तिलेटकी राप्रपाकी नेतृ रामशिला देवी मण्डल तथा जलेश्वर नगरपालिका वडानं. ७ का रेडक्रसकर्मी गणेश चौधरीको मृत्यु भएको छ । मृतकहरु मध्ये रोहन र गणेश चौधरी नाति र हजुरवुवा रहेका थिए । 

त्यसतै जलेश्वर १४ को बखरीबाटो भई सशस्त्रको केही गाडीहरु गइरहेको बेला मचेको भगदडमा सोही गाविसमा रहेकी छोरीको ससुराली आएका महोत्तरीको फुल्हटटा गाविस ८ का हकिम अन्सारी आत्तिएर भाग्न खोज्दा लडेर उनको मृत्यु भएको थियो  भने असोज ३ गते नेपालको संविधान २०७२ जारी भएपछि सो संविधान आफुहरुको पक्षमा नभएको भन्दै सोही राति गौशाला नगरपालिका ५ रजखोरका रामप्रदिप महतोले गम्छाको पासो लगाएर आत्महत्या गरेका थिए । त्यसैगरी मोर्चाले असोज १४ गते बिहीबार आव्हान गरेको मेची महाकाली मानव साँगलोको कार्यक्रममा मनरा ७ मा सहभागी भएका सिस्वाकटैया ८ सहसरामका ४५ वर्षिय उमेश कापरको पनि मृत्यु भएको थियो । मानव साँगलोमा सहभागी भएका उनी त्यही एक्कासी ढलेका थिए र उनलाई जलेश्वर अस्पताल ल्याएपछि चिकित्सक डा.सतिश साहले मृत घोषित गरेका    थिए । मोर्चाले उनीहरुलाई पनि शहिद घोषणा गर्नुपर्ने माँग गर्दै आएका छन् ।

आन्दोलनकै क्रममा सुरक्षानिकायले मुद्दालाई कमजोर बनाउन तथा नेताहरुलाई तर्साउन सशस्त्र प्रहरीका असई थमनबहादुर बिकको हत्यामा संलग्न रहेको भन्दै तिनजनालाई पक्राउ र अन्य नेताहरुमाथि मुद्दा लगायो । बिकको हत्या तथा एम्बुलेन्समा आगजनी गरिएको घटनामा प्रहरीले पक्राउ परेका तिनजनासहित २८ जनामाथि कर्तव्य ज्यान तथा २५ जनामाथि एम्बुलेन्समा आगजनीको मुद्दा लगाएका थिए । 

जिल्ला प्रहरी कार्यालय महोत्तरीले फागुन २ गते आईतबार सो घटनामा संलग्न रहेको आरोपमा जलेश्वर नगरपालिका वडानं. ३ बस्ने २५ वर्षिय सञ्जय कुमार साह, जलेश्वर नगरपालिका वडानं. २ बस्ने वर्ष ३० का प्रदिप साह माझी र फुल्हट्टा परिकौली गाविस ३ हाल जलेश्वर नगरपालिका वडा नं. १७ का वर्ष ५५ का मोहन ठाकुरलाई सार्वजनिक गर्दै यस घटनामा संलग्नहरुको खोजीकार्य तिव्र गरिएको प्रहरी उपरिक्षक जनक भट्टराईले जानकारी दिनुभएको थियो ।

प्रहरीले जलेश्वर न.पा.वार्ड नं. ३ मा बस्ने वर्ष २५ को संजय कुमार साह (पक्राउ), जलेश्वर वार्ड नं. २ बस्ने वर्ष ३० को प्रदिप साह माझी (पक्राउ), फुल्हटा प्रकौली वार्ड नं. ३ साविक हाल जलेश्वर न.पा. १७ बस्ने वर्ष ५५ को मोहन ठाकुर (रिहा) सहित थप २५ जनालाई फरारको सुचीमा राखेको छ । यसरी फरारको सुचीमा रहेकाहरुमा सदभावना पार्टीका सहमहामन्त्री देवेन्द्र यादव र सोही पार्टीका केन्द्रीय सदस्य लक्ष्मी महतो तथा सङ्घीय समाजवादी फोरमका केन्द्रीय सदस्य एवं पूर्वसांसद कौशलकुमार यादव, तराई मधेश लोकतान्त्रिक पार्टीका केन्द्रीय सदस्य रामशंकर मिश्र शाहीजी, तमलोपाका जिल्ला अध्यक्ष अभिराम शर्मा, तराई मधेश सदभावना पार्टीका केन्द्रीय सदस्य सुरेश पाण्डेय, सदभावना पार्टीका जिल्ला सचिव धर्मेन्द्र रायसहितका रहेका छन् ।

त्यसैगरी जलेश्वर न.पा.वार्ड नं. ३ का वर्ष २५ को संजय कुमार साह (पक्राउ), जलेश्वर वार्ड नं. २ बस्ने वर्ष ३० को प्रदिप साह माझी (पक्राउ), फुल्हटा प्रकौली वार्ड नं. ३ साविक हाल जलेश्वर न.पा. १७ बस्ने वर्ष ५५ को मोहन ठाकुर (रिहा), जलेश्वर न.पा. वार्ड नं. ६ बस्ने वर्ष ४५ को रमेशप्रसाद साह, जलेश्वर वार्ड नं. २ बस्ने वर्ष २७ को सतेन्द्र चौधरी, जलेश्वर वार्ड नं. १ बस्ने वर्ष ४० को चन्देश्वर साह मेहतरी, जलेश्वर वार्ड नं. २ बस्ने वर्ष २८ को राजु चौधरी भन्ने राजा चौधरी, जलेश्वर वार्ड नं. १३ बस्ने वर्ष ३० को देवेन्द्र चौधरी, जलेश्वर वार्ड नं. २ मा बस्ने वर्ष ३५ को नरेश साह, जलेश्वर वार्ड न. २ बस्ने वर्ष १८ को रामराजा साह, जलेश्वर वार्ड नं. १ बस्ने वर्ष १८ को गोलु साह, जलेश्वर वार्ड नं. २ मा बस्ने वर्ष २४ को हरिओम कुमार भगत रहेका छन् ।

त्यस्तै अन्य फरारको सुचीमा जलेश्वर वार्ड नं. १ मा बस्ने वर्ष २२ को रविन्द्र राम चमार, जलेश्वर वार्ड नं. १ बस्ने वर्ष २५ को रंजित साह, जिल्ला सिरहा गा.बि.स. सुखीपुर घर भई जलेश्वर न.पा. वार्ड नं. २ बस्ने वर्ष २२ को बिकी साह, जि.म.गा.बि.स. फुल्हटा प्रकौली वार्ड नं. ५ साविक हाल जलेश्वर न.पा. १७ बस्ने वर्ष २६ का फुले यादव, जलेश्वर वार्ड नं. ४ साविक हाल जलेश्वर न.पा. १७ बस्ने वर्ष ४५ को पवन कापर, महोत्तरी वार्ड नंं. ७ अनैठा बस्ने वर्ष ३५ को रोहीत कुमार शर्मा, जलेश्वर वार्ड नं. ४ बस्ने वर्ष ५० को लालबाबु बिन, भटौलिया वार्ड नं. २ बस्ने वर्ष ३४ को शम्भु साह, भारत घर भई जि.म.जलेश्वर न.पा. वार्ड नं. ११ बस्ने वर्ष ४० को अनिल ठाकुर, सोनमा वार्ड ३ बस्ने वर्ष ४६ को देवेन्द्र यादव, खैरवनी वार्ड नं. ६ बस्ने ४५ को कौशल कुमार यादव, निगौल वार्ड नं. ५ साविक हाल गौशाला न.पा. वार्ड नं. ९ बस्ने वर्ष ६० को लक्ष्मी महतो, अन्कार वार्ड नं. ९ साविक हाल जलेश्वर न.पा. वार्ड नं. १४ बस्ने वर्ष ३७ को अभिराम शर्मा, पर्सापतैली वार्ड नं. ७ बस्ने वर्ष ४२ को धर्मेन्द्र राय, पिगौना वार्ड नं. ५ बस्ने वर्ष ४७ को शंकर साही भन्ने राम शंकर मिश्र तथा सुगा भवानीपट्टी वार्ड नं. ९ बस्ने वर्ष ४८ को सुरेश पाण्डे रहेका छन् ।

त्यसैगरी एम्बुलेन्स आगजनीमा जलेश्वरका रामराजा साह, गोलु साह र रंजित साह बाहेक २५ जनामाथि मुद्दा दिइएको जनाइएको छ ।

गतवर्ष चैत्र १ गते सशस्त्रका असई थमनको हत्या तथा एम्बुलेन्समा आगजनी घटनामा संलग्न आरोपमा पक्राउ परेका तिनजनालाई पूर्पक्षको लागि जेलमा राख्ने आदेश भएको थियो भने एम्बुलेन्समा आगजनी गरेको भन्दै जनही चार÷चार हजार धरौटी राख्ने आदेश समेत भएको छ । जिल्ला अदालत जलेश्वरका १ नं. न्यायधिश किरणकुमार पोखरेलको ईजलाशले कर्तव्य ज्यान मुद्दाको अ.ब.११८(२) वमोजिम पक्राउ परेका तिनैजनालाई पूर्पक्षको लागि थुनामा राख्ने आदेश भएको थियो तर पुनरावेदन अदालतको आदेशले भने ठाकुर रिहा भइसकेका छन् ।

मोर्चाले समेत आफ्ना कार्यकर्तामाथि लगाएको झुठो मुद्दा खारेज हुनुपर्ने माँग गर्दै आन्दोलन गरेका थिए । फागुन ११ गतेदेखि झण्डै १५ दिनसम्म गरेको गरेको आन्दोलन पनि कुनै निष्कर्षमा पुगेको थिएन । मोर्चाका विभिन्न घटकहरुले प्रतिदिन आ–आफ्नो नेतृत्वमा आन्दोलन गरेपनि सो आन्दोलनले कुनै प्रतिफल दिन सकेको थिएन भने फरारको सूचीमा रहेका केन्द्रीय नेतादेखि जिल्ला अध्यक्षसहित जिल्लातहका नेताहरु तिर्थयात्रामा निस्केका थिए ।

त्यसैगरी आन्दोलनमा सुरक्षाकर्मीको ज्यादतीबाट मृत्यु भएपनि प्रहरीले छानविनको लागि आफ्नो उजुरी नलिएको भन्दै रामविवेक यादवका वुवा परमादेशको लागि अदालत जानुभएको थियो । २०७२÷६÷२९ गतेमा जिल्ला हुलाक कार्यालय महोत्तरी मार्फत प्रेषित जाहेरी दरखास्त दर्ता गर्न र मृत्यु सम्बन्धमा समय सिमा तोकेर निष्पक्ष तथा विश्वसनीय अनुसंधान गर्न माँग गदै मुद्दा दर्ता गराइएको थियो । 

रामविवेक यादवको बुवा ईन्दु यादवले पुनरावेदन अदालत जनकपुरमा परमादेशको लागि दिनुभएको मुद्दामा चैत १६ गते मंगलबार अदालतले विपक्षीहरुलाई १५ दिने कारण देखाउ आदेश जारी गरेको थियो । पिडित यादवले जिल्ला प्रहरी कार्यालय महोत्तरीले जाहेरी दर्ता नगरेको र हुलाक मार्फत पठाउदाँ समेत अटेर गरेकोले परमादेशको लागि पुनरावेदन अदालत जनकपुरमा चैत १३ गते आईतबार मुद्दा दायर गर्नुभएको थियो ।

सोही मुद्दामा पुनरावेदन अदालत जनकपुरका मुख्य न्यायधिश पुरुषोत्तम भण्डारी र न्यायधीश रामचन्द्र यादवको संयुक्त ईजलाशले विपक्षी जिल्ला प्रहरी कार्यालय महोत्तरी र जिल्ला प्रशासन कार्यालयलाई वादीहरुको मागदावी अनुसार परमादेश किन जारी नगर्ने भन्दै १५ दिन भित्र लिखित जवाफ लिएर उपस्थित हुन आदेश जारी गरेको हो । रिट निवेदकका तर्फबाट अधिवक्ता दिपेन्द्र झा, विकरु यादव लगायतकाले वहस गर्नुभएको थियो ।

यसैबीच वर्तमान सरकारले विभिन्न झुठा मुद्दाहरु फिर्ता लिने गृहकार्य गरिरहेको समयमा महोत्तरीमा भने आन्दोलनकै घटनामा संलग्न केही आन्दोलनकारीहरुमाथि पक्राउ पूँजी जारि गरिएको छ भने कतिपय मुद्दाहरु पर्ने क्रम जारी नै रहेको छ ।

सो आन्दोलनको क्रममा विभिन्न प्रहरी चौकीहरुमा आन्दोलनकारीहरुले आगजनी गरेका थिए । सोही घटनामा संलग्न रहेको भन्दै प्रहरीले विभिन्न १७ वटा गाविसमा यस्ता मुद्दा लगाउने गृहकार्य गरिरहेको प्रहरी श्रोतले जनाएको छ । १७ वटा मध्ये अहिलेसम्म प्रहरीले इटहर्वाकट्टी, सहोडवा (पिपरा), पर्सापतैली, मनरा, लोहारपट्टी, बलवा, भ्रमरपुरा, धिरापुर, औरही, गौशाला र रघुनाथपुर प्रहरी चौकीमा आगजनी तथा लुटपाट गरेको भन्दै मुद्दा दायर गरिसकेको छ । जसमध्ये चारवटा प्रहरी चौकीमा आगजनी गरेको घटनामा ३५ जना संलग्न रहेको भन्दै उनीहरुमाथि पक्राउ पुँजी जारी समेत भइसकेको अवस्था छ भने अन्यको कारवाही प्रक्रिया अगाडी बढाइसकिएको श्रोतले जनाएको छ ।

श्रोतका अनुसार थप ७ वटा प्रहरी चौकीमा आगजनी र लुटपाट गर्ने ५३ जनामाथि कारवाही प्रक्रिया अगाडी बढाइसकिएको छ तर उनीहरुको पक्राउ पुजीँ अहिलेसम्म जारी नभएको श्रोतले जनाएको छ । महोत्तरीमा ३५ जनामाथि पक्राउ पुँजी जारी गरिएको छ । उनीहरुमाथि वारेन्टसहितको ७० दिने म्यादी पुँजी जारी गरिएको स्रोतको कथन छ ।

मधेश आन्दोलनको क्रममा भदौं २३ गते वुधबार महोत्तरीमा प्रहरीको गोली लागेर तिन तथा त्यसको दुई दिन नवित्दै २५ गते तिनजनाको गरी ६ जनाको मृत्यु भएको थियो । 

त्यसैगरी भदौ २५ गते आन्दोलनकारीको कुटपिटबाट सशस्त्र प्रहरीका असई थमनबहादुर विकको पनि मृत्यु भएको थियो । सोही घटनापश्चात आक्रोशित भएका आन्दोलनकारीहरुले विभिन्न गाउँमा रहेको प्रहरीचौंकीमा तोडफोड, आगजनी गरेका थिएँ ।

जिल्लाको मनरा १ स्थित खाद्य संस्थानको भवनमा रहेको प्रहरी चौकीमा स्थानीय आन्दोलनकारीहरुले भदौ २३ गते राति साढे ११ बजे, पिपरा ३ स्थित प्रहरी चौंकीमा भदौ २४ गते डेढबजे, पर्सापतैली प्रहरी चौंकीमा भदौ २४ गते साँझ ७ बजे तथा इटहर्वाकट्टीमा भदौ २४ गते बिहान ८ बजे, बलवा ३ स्थित प्रहरी चौकीमा भदौ २३ गते साँझ साढे सातबजे, लोहारपट्टी ४ वडा स्थित कृषि सेवा केन्द्रमा भदौ २३ गते राती १० बजे, गौशाला ७ स्थित डिउटी विटमा भदौ २१ गते साँझ साढे ४ बजे, रघुनाथपुर १ स्थित चौकीमा भदौ २३ गते राती १० बजे, धिरापुरमा भदौ २४ गते बिहान ८ बजे, औरही वडानं. ३ स्थित प्रहरी बिटमा भदौ २३ गते साँझ ६ बजे र भ्रमरपुरामा भदौ २४ गते बिहान सवा ७ बजे आगजनी गरिएको थियो । 

जिल्ला प्रहरी कार्यालय महोत्तरीले सबै प्रहरी चौंकीमा आगजनी र लुटपाट गरेको भन्दै ८८ जनामाथि सरकारी मुद्दा सम्बन्धी ऐन, २०४९ को दफा १८ वमोजिम आगजनी र डाँकामुद्दा लगाएको छ । मुद्दा लगाइएका मध्ये ३५ जनामाथि साउन २८ गते शुक्रबार जिल्ला अदालतले पक्राउ पुँजी जारी गरिसकेको छ भने अन्य ५३ जनामाथि कारवाही प्रक्रियामा रहेको छ ।

पर्सापतैली चौंकीमा आगजनी र लुटपाट गरेको आरोपमा ८ जना, इटहर्वाकट्टीका १२ जना, पिपराका ८ जना र मनराका ७ जना गरी ३५ जनामाथि आगजनी र डाँका मुद्दा लगाइ पक्राउ पुँजी जारि गरिएको हो भने लोहारपट्टीका ८ जना, बलवाका १९ जना, भ्रमरपुराका ६ जना, धिरापुरका ४ जना, औरहीका ३ जना, गोशालाका ६ जना र रघुनाथपुरका ७ जनामाथि पनि मुद्दा लगाइएको छ ।

यसरी पक्राउ पुँजी जारि गरिएकाहरुमा पर्सापतैली चौकीमा आगजनी र लुटपाट गर्ने आरोपमा पर्सापतैली ७ का ५५ वर्षिय गुलाब राय, वडानं. ५ बस्ने वर्ष ३२ को सुशिल शर्मा भन्ने सुशिल राउत, वडानं. ६ बस्ने वर्ष ४५ को राम एकवाल कापर, वडानं. ३ बस्ने वर्ष ५० को राजाराम ठाकुर, वडानं. ४ बस्ने वर्ष ४५ को सुकेश्वर राउत, वडानं. ७ बस्ने राजेश मण्डल, वडानं. ५ बस्ने नागेन्द्र राउत, वडानं. ४ बस्ने नागे शर्मा भनने नागेन्द्र राउत रहेका छन् । 

त्यस्तै सहोडवा पिपरा चौंकीमा आगजनी गरेको आरोपमा पिपरा वडानं. २ बस्ने वर्ष ३५ को सन्तोष मिश्र, वडानं. ६ बस्ने वर्ष ३५ को श्रवण मण्डल, वडानं. ५ बस्ने वर्ष २३ को लक्ष्मण महासेठ, वडानं. ६ बस्ने वर्ष ५५ को रविन्द्र ठाकुर, वडानं. ८ बस्ने वर्ष ४५ को शेखर मिश्र, वडानं. ३ बस्ने वर्ष ३८ को महेन्द्र पासमान, वडानं. ३ बस्ने वर्ष ४० को चेतरु पासमान भन्ने रामनाथ पासमान र वडानं. ८ बस्ने वर्ष ३३ को संजय मिश्रमाथि पक्राउ पुँजी जारी गरिएको जनाइएको छ ।

त्यसैगरी इटहर्वाकट्टी चौंकीमा आगजनी गरेको आरोपमा इटहर्वाकट्टी ७ बस्ने वर्ष ५५ को राजनकुमार सिंह, वडानं. ८ बस्ने वर्ष ५१ क जितेन्द्र चौधरी, वडानं. ८ का ५१ वर्षिय राजिव ठाकुर पाण्डे, वडानं. ९ बस्ने वर्ष ३५ को विमेलश चौधरी, वडानं. ७ बस्ने वर्ष ४० को चन्दे पासमान, वडानं. ८ बस्ने वर्ष ३५ को लालबाबु ठाकुर, वडानं. ८ बस्ने वर्ष ३५ को पंकज ओझा, वडानं. ८ बस्ने वर्ष ३२ को लवदेव ओझा, वडानं. ७ बस्ने वर्ष ४० को मोहन पाण्डे भन्ने बिनयकुमार पाण्डे, वडानं. ५ मा बस्ने वर्ष ४५ को जयराम तिवारी, वडानं. ७ मा बस्ने वर्ष ४२ को सुरेश सिंह भन्ने सुरेश पाण्डे र वडानं. ९ मा बस्ने ३५ वर्षिय सुरेश चौधरी भन्ने सुरेश पण्डितलाई पनि पक्राउ पुँजी जारि गरिएको छ ।

त्यस्तै मनराकट्टी प्रहरी चौकीमा आगजनी गरेको आरोपमा मनराकट्टी वडानं. ७ मा बस्ने वर्ष २२ का राजनकुमार सिंह, सोही वडा बस्ने वर्ष २० को शनिकुमार सिंह, सोही वडा बस्ने वर्ष १८ को सोनुकुमार सिंह, वडानं. ८ बस्ने २० वर्षिय अभिषेककुमार सिंह, सोही वडाबस्ने १७ वर्षिय नुनु कुमार सिंह, वडानं. ६ मा बस्ने वर्ष १९ को गोपाल सिंह र वडानं. १ मा बस्ने वर्ष २२ को दिपुकुमार सिंह भुमिहारमाथि पनि पक्राउ पुँजी जारि गरिएको स्रोतले जनाएको छ ।

त्यसैगरी रघुनाथपुर प्रहरी चौकीमा आगजनी र डाँका गरेको आरोपमा रघुनाथपुर वडानं. ६ बस्ने वर्ष ४० को भरत यादव, सोही ठाउँ बस्ने वर्ष ४५ को फुलबाबु यादव, वर्ष २४ को जितेन्द्र यादव, वडानं. ५ बस्ने वर्ष ३५ को दयाराम पटेल, सोनमा वडानं. ५ बस्ने वर्ष ५२ को देवेन्द्र यादव भन्ने देवेन्द्रकुमार यादव, वडानं. २ बस्ने वर्ष ३२ को राजाराम यादव भन्ने राजकुमार यादव, वडानं. ५ बस्ने वर्ष ३२ को मनोज यादव भन्ने मनोजकुमार यादवलाई आरोपित गरिएको छ । 

त्यस्तै गौशालामा आगजनी मुद्दामा गौशाला ६ बस्ने वर्ष ४० को रिझन महतो, वडानं. ५ बस्ने वर्ष ४० को हरिनारायण साह, वडानं. ३ बस्ने वर्ष २७ को हरीनारायण महतो, वडानं. ९ बस्ने वर्ष ३० को गुदर महतो, फुलकाहा वडानं. ३ बस्ने वर्ष ३७ को बिजय साह, सोनामाई वडानं. ३ बस्ने वर्ष ३६ को बेचन ठाकुर भन्ने बिरेन्द्र ठाकुरलाई पनि आरोपित बनाइएको छ ।

त्यसैगरी औरही प्रहरी बिटमा आगजनी गरेको आरोपमा औरही वडानं. ५ बस्ने वर्ष ३० को ओमेन्द्र यादव, वडानं. ३ बस्ने वर्ष ४५ को घनश्याम यादव, वडानं. ५ बस्ने वर्ष ४५ को सत्यनारायण यादवमाथि पनि मुद्दा चलाइएको छ भने धिरापुर अस्थाई प्रहरी चौकीमा पनि आगजनी गरेको भन्दै धिरापुर वडानं. ३ बस्ने वर्ष ३२ को रामप्रवेश मण्डल, वर्ष ४३ को विपिन झा, वर्ष ४३ को मकेश्वर ठाकुर र वडानं. ४ बस्ने वर्ष ४० को संजय रायमाथि पनि मुद्दा चलाइएको श्रोतले जनाएको छ ।

त्यस्तै सुरक्षानिकायले भ्रमरपुरा वडानं. ८ मा रहेको प्रहरी चौकीमा आगजनी गरेको आरोपमा भ्रमरपुरा ७ बस्ने वर्ष ४७ को मनिर राईन, वडानं. २ बस्ने वर्ष ४२ को गणेश ठाकुर, वर्ष २५ को राजीव ठाकुर, वडानं. ७ बस्ने वर्ष ४५ को नसिव राईन, वडानं. २ बस्ने वर्ष ४० को सुनिल शर्मा, वडानं. ७ बस्ने वषृ ४७ को राममिलन मण्डलमाथि पनि मुद्दा चलाएको छ । 

प्रहरीले लोहारपट्टी वडानं. ४ स्थित रहेको जिल्ला कृषि सेवा भवनमा रहेको इलाका प्रहरी कार्यालयमा आगजनी र डाँका गरेको आरोपमा लोहारपट्टी ७ बस्ने अब्दुल रहिम, वडानं. ४ बस्ने उपेन्द्र मण्डल, वडानं. ६ बस्ने उषमान शेष, वडानं. ४ बस्ने विजय ठाकुर, वडानं. ६ बस्ने ओपी मण्डल, वडानं. ३ बस्ने लालबाबु साह, वडानं. ४ बस्ने अरुण मण्डल र धमौरा ३ बस्ने वर्ष ४८ को भरत ठाकुरमाथि पनि मुद्दा चलाइएको जनाइएको छ ।

सुरक्षाकर्मीले वलवा वडानं. ३ स्थित इलाका प्रहरी चौकीमा आगजनी र डाँका गरेको भन्दै १९ जनामाथि मुद्दा दर्ता गराएका छन् । मुद्दा दर्ता भएकाहरुमा बलवा ६ बस्ने वर्ष ४१ को अजय यादव, वडानं. ७ बस्ने वर्ष २५ को रमेश यादव, वडानं. ३ बस्ने वर्ष २८ को जयकिशोर भन्ने जय कुमार राउत, वडानं. ३ बस्ने वर्ष ४५ को वैद्यनाथ झा भन्ने बिकरु झा, वडानं. ८ बस्ने वर्ष ३८ को बिजय सिंह महतो भन्ने बिजयकुमार महतो, वडानं. ६ बस्ने वर्ष ३२ को मनोजकुमार यादव, सरपल्लो वडानं. १ बस्ने वर्ष ३७ को सरोज सिंह, वर्ष ३१ के सुनिल महतो, वडानं. ३ बस्ने वर्ष ३८ को बिनोद गामी, वडानं. ६ बस्ने वर्ष ३५ को राजदेव चौधरी,    वडानं. ५ बस्ने वर्ष २६ को विवेक साह, बलवा ३ बस्ने वर्ष २० को लला नादाफ मिया, वडानं. ३ बस्ने वर्ष ५० को जिवछ साह, वर्ष ३२ को सुमित झा, बनौटा ८ बस्ने वर्ष २६ को बलिराम यादव, सरपल्लो ६ बस्ने वर्ष ३२ को  बिनोद साह, वडानं. २ बस्ने वर्ष ३२ को संजय यादव, पडौल २ बस्ने वर्ष २१ को कारी भन्ने रामशरण यादव र वडानं. ९ को वर्ष २७ को सुनिल दास रहेका छन् ।

इटहर्वाकट्टी प्रहरी चौकीका प्रसनि जगन्नाथ चौधरी, पर्सापतैली प्रहरी चौकीका प्रसनि भेषबहादुर कार्की, सहोडवा प्रहरी चौकीका प्रसनि श्यामकुमार आले, मनरा प्रहरी चौकीका सनि दिपेन्द्रप्रसाद जैसवाल, रघुनाथपुरका प्रसनि मनोज पासवान, गौशालाका प्रसनि कृष्णबहादुर थापा तथा प्रनानि रामबाबु राय यादव, औरहीका प्रसनि बब्लुकुमार ठाकुर, धिरापुरका प्रसनि हरेन्द्रप्रसाद यादव, भ्रमरपुराका प्रसनि नितेन्द्र झा, लोहारपट्टीका प्रनानि अरुण राय र बलवाका प्रनानि गोपाल यादवले दिएको प्रतिवेदनको आधारमा मुद्दा दिइएको हो । 

इटहर्वाकट्टीका प्रसनी चौधरीको प्रतिवेदनमा ४४ हजारको सामग्रीमा आगजनी तथा ४१ हजार ६ सयको सामग्री लुटिएको, पर्सापतैलीका प्रसनी कार्कीको प्रतिवेदनमा १ लाख १७ हजारको सामग्रीमा आगजनी तथा ५० हजारको सामग्री लुटिएको, सहोडवाका प्रसनि आलेको प्रतिवेदनमा ६ लाख ५३ हजार ५ सयको सामग्री आगजनी तथा ९० हजारको सामग्री लुटिएको तथा मनरा चौकीका सनि जैसवालको प्रतिवेदनमा २ लाख ८० हजार आगजनी तथा ८८ हजारको सामग्री लुटिएको उल्लेख गरेका छन् ।

त्यसैगरी बलवा प्रनानि यादवको प्रतिवेदनमा १ लाख ९१ हजार ३ सयको सामग्रीमा आगजनी र ५ लाखको सामग्री लुटिएको, लोहारपट्टीका प्रनानि रायको प्रतिवेदनमा १ लाख ८२ हजारको सामग्रीमा आगजनी र ६ हजारमा डाँका, भ्रमरपुराका प्रसनि नितेन्द्र झाको प्रतिवेदनमा १ लाख २ हजारको सामग्रीमा आगजनी, धिरापुरको प्रसनि यादवको प्रतिवेदनमा ५३ हजारको सामग्रीमा आगजनी, औरहीका प्रसनि ठाकुरको प्रतिवेदनमा १ लाखको सामग्रीमा आगजनी गरिएको उल्लेख छ ।

त्यस्तै गौशालाका प्रनानि यादव र थापाको प्रतिवेदनमा १ लाखको सामग्रीमा आगजनी र रघुनाथपुरका प्रसनि पासवानको प्रतिवेदनमा ४० हजारको सामग्रीमा आगजनी र ८ लाख २८ हजारको सामग्री लुटिएको उल्लेख गरिएको छ ।  

यता आन्दोलनको समयमा भएको विभिन्न घटनाहरुको मुद्दा फिर्ता भइरहेको समयमा प्रहरीले सुनियोचित तरिकाले आन्दोलनकारीहरुलाई फँसाइरहेको भन्दै यस्तो कार्यको संघीय समाजवादी फोरमका जिल्ला अध्यक्ष रामनरेश राय तथा तराई मधेश समाजवादी पार्टीका जिल्ला सदस्य गजेन्द्र गुप्ताले आपत्ति प्रकट गर्नुभएको छ ।

उहाँले सरकार र मधेशी मोर्चाको सहमती पश्चात आन्दोलनकारीमाथि लगाइएको झुठा मुद्दाहरु फिर्ता लिने गृहकार्य भइरहेको समयमा जिल्लामा फेरी पक्राउ पुँजी जारी गरिएकोप्रत्ति आश्चर्य व्यक्त गर्नुहुदै उहाँहरुले तत्कालै यो कार्य बन्द गर्नुपर्ने वताउनुभएको छ ।

त्यसैगरी कानुनविद अधिवक्ता विकरु यादवले पनि यस्तो कार्यले सरकार र मधेशी मोर्चाको सम्वादमा खलल पुग्ने र यसले अन्य समस्या ल्याउने बताउनुभएको छ । उहाँले भन्नुभयो,‘एकातर्फ सरकारले मुद्दा फिर्ताको तयारी गर्ने र अर्को तर्फ आन्दोलनकारीहरुलाई हतोत्साहित गर्ने गरी पक्राउ पुँजी जारी गरिनु विवादास्पद हो, यो समस्याको समाधान गरिनुपर्छ ।’

निजामती दिवस महोत्तरीमा पनि मनाइयो

निजामती दिवस महोत्तरीमा पनि मनाइयो

महोत्तरी समाचारदाता

जलेश्वर, भदौ २२ गते । १३ औं निजामति सेवा दिवस महोत्तरीमा पनि निजामति कर्मचारीहरुले विभिन्न कार्यक्रमहरु गरि मनाएका छन् ।

‘सेवामैत्री प्रशासन, सङ्घीयतामा सुशासन’ भन्ने मूलनाराका साथ वुधबार जिल्ला शिक्षा कार्यालय महोत्तरीको अगाडीबाट शुरु भएको प्रभातफेरी कार्यक्रम नगरको विभिन्न भागको परिक्रमा गर्दै जिल्ला अस्पताल जलेश्वरमा पुगेका थिए ।

जिल्ला अस्पताल जलेश्वरमा २५ जना विरामीहरुलाई फलफुल वितरण तथा २० जनाले रक्तदान गरेको कार्यक्रमका प्रमुख अतिथी तथा जिल्ला प्रशासन कार्यालयका प्रशासकीय अधिकृत शम्भुप्रसाद यादवले जानकारी दिनुभयो ।

नेपालमा निजामति सेवा दिवस २०६२ साल भदौ २२ गतेबाट औपचारिक रूपमा मनाउन शुरु गरिएको जानकारी दिनुहुँदै उहाँले यसपालीको नारालाई सफल पार्न हामीहरु लाग्ने वताउनुभयो । विक्रम सम्वत् २०१३ साल भदौ २२ गते तत्कालीन प्रधानमन्त्री टंकप्रसाद आचार्यले निजामती सेवा ऐन ल्याएको दिन पारेर हरेक वर्ष निजामति दिवस मनाउन थालिएको हो ।

सो अवसरमा जिल्लाको विभिन्न कार्यालयका अधिकृतसहित कर्मचारीहरुको उपस्थिती रहेको थियो ।

निजामति दिवसमा प्रभातफेरी गर्दै कर्मचारीहरु ः फोटा साभार जिल्ला प्रशासन कार्यालय महोत्तरीका कर्मचारी अनिल कर्णको फेसबुक वालबाट

फोटो क्याप्सन

फोटो क्याप्सन ः महोत्तरी जिल्लाको ऐतिहासिक र धार्मिकस्थलको रुपमा चिनिएको मटिहानी गाउँमा रहेको चर्चित श्रीराम उच्च माध्यमिक विद्यालयमा मंगलबारदेखि परेको पानीको कारणले पानी जमेपछि विद्यार्थीहरु पानीबाटै विद्यालय आवतजावत गर्दै ।

अर्जुनकुमार साह÷महोत्तरी 

सडक बनाउन धर्ना, मन्त्रीले २४ गते शिलान्यास गर्ने दावी Nagendra Kumar karna

सडक बनाउन धर्ना, मन्त्रीले २४ गते शिलान्यास गर्ने दावी
महोत्तरी समाचारदाता
जलेश्वर, भदौ २० गते । ‘सडक बन्छ की लाश उठछ’ भन्ने संकल्पका साथ जनकपुर भिठामोड सडक (विद्यापति राजमार्ग) बनाउन महोत्तरी जिल्लाको ६ जनाले भदौ २८ गतेदेखि आमरन अनसन बस्ने घोषणा गरेका छन् ।
महोत्तरी जिल्लाको लाइफलाइन मानिएको सो सडकखण्ड दशकौंदेखि जिर्ण बन्दै गएपनि सरकारले बनाउन ढिलासुस्ती गरेको भन्दै जिल्लाको ६ जनाले सडक निर्माणको माँग गर्दै २८ गतेदेखि आमरन अनसन गर्ने घोषणा गरेका हुन् ।
सडक निर्माणको माँग राख्दै वृहत्तर जनकपुर क्षेत्र विकास परिषदका अध्यक्ष एवम् नयाँ शक्ति पार्टीका नेता रामकुमार शर्माको नेतृत्वमा माओवादी केन्द्रका नेता फुलकुमारी महतो, सत्येन्द्र यादव, तमलोपाका नेता रमणकुमार ठाकुर, रामपुनित मिश्र र स्वास्थ्यकर्मी बिमलेशकुमार झाले आमरन अनसन बस्ने घोषणा गर्नुभएको हो ।
आमरन अनसनपूर्व एकहप्ते विभिन्न आन्दोलनको कार्यक्रम अन्तर्गत जनकपुर भिठामोड सडक (विद्यापति राजमार्ग) निर्माणकालागि गठित सर्वदलिय संघर्ष समितिले सडक निर्माणको लागि सोमबारदेखि महोत्तरी र धनुषाको ७ ठाउँमा धर्ना कार्यक्रम समेत शुरु गरेका छन् ।
महोत्तरी जिल्लाको सिमानाका भिठामोड, सदरमुकाम जलेश्वरको सिनेमाहल चौक, परिकौली चौक, सहोडवा चौक, पिपरा चौक, धनुषा जिल्लाको बिन्धी र लादोबेलामा गरी ७ ठाउँमा धर्ना शुरु गरिएको संघर्ष समितिका संयोजक तथा वृहत्तर जनकपुरका अध्यक्ष रामकुमार शर्माले जानकारी दिनुभयो । उहाँले भन्नुभयो, ‘यो कार्यक्रम अब रुक्नेबाला छैन्, जबसम्म सरकारले यो सडकको शिलान्यास गदैनन् तबसम्म आन्दोलन जारी रहन्छ ।’
‘सडक निर्माण हुन्छ कि हामीहरुको लाश उठछ’ हामीहरुले संकल्प गरिसकेको वताउनुहुदै संयोजक शर्माले सडक शिलान्यास गर्नुपर्ने, ४ लेनबाट सडकलाई ६ लेनको बनाउनुपर्ने, सम्झौता अनुसारको काम हुनुपर्ने तथा सडक निर्माण हुँदा अनुगमनको लागि उच्चस्तरीय अनुगमन समिति बनाउनुपर्ने माँग आफुहरुले अगाडी सारेको जानकारी समेत दिनुभयो ।
उहाँले सोमबारदेखि पाँच दिनसम्म ७ ठाउँमा धर्ना र प्रर्दशन गर्ने, भदौ २५ र २६ गते दुई दिन जनकपुर भिठामोड सडकपूर्णत अवरुद्ध गर्ने, २७ गते बिहान ८ बजेदेखि ९ बजेसम्म जनकपुरदेखि भिठामोडसम्म मानव साँगलो बनाउने तथा २८ गतेदेखि आमरन अनसन गर्ने कार्यक्रम आफुहरुले अगाडी सारिसकेको बताउनुहुुदै उहाँले यो सरकारले माँग पुरा गर्नुपर्ने धारणा राख्नुभयो ।

भदौ २४ गते यातायात मन्त्रीले शिलान्यास गर्ने कार्यक्रम

यसैबीच हुलाकी राजमार्ग परियोजनाका डायरेक्टर बलराम मिश्रले भदौ २४ गते नै सो सडकखण्डको शिलान्यास हुने दावी गर्नुभएको छ ।
उहाँले यही २४ गते भौतिक आवास तथा यातायात मन्त्री रमेश लेखकले सो सडकको शिलान्यास गर्ने कार्यक्रम रहेको जानकारी गराउनुहुदै सडकको निर्माण कार्य भने दशैं पछि गर्ने बताउनुभयो ।
जनकपुरदेखि भिठामोडसम्मको १८.७५ किमीको सडक निर्माणको लागि दुई कम्पनीले ठेक्का लिइसकेको जानकारी समेत उहाँले दिनुभयो ।
सो सडकखण्डको ९ किलोमिटर सडक अर्थात जनकपुरदेखि पिपराको पुलसम्म प्रतिभा वाईपी जेभी कन्ट्रक्शन र पिपराको पुलदेखि भिठामोडसम्म आशिष पप्पु जेभी रोशन कन्ट्रक्शनले ठेक्का लिइसकेको जानकारी दिनुहुदै डायरेक्टर मिश्रले भन्नुभयो, ‘यो सडकको ठेक्का भ्याटसहित ९६ करोड ४४ लाखमा लागिसकेको छ र सडकको काम दशै पछि शुरु गरिने छ ।’  

तरुण दलको क्षेत्रिय सभापतिमा पाण्डेय चयन

महोत्तरी समाचारदाता
जलेश्वर, भदौ १७ गते । नेपाली काँग्रेसको भातृसंगठन नेपाल तरुण दल महोत्तरीको क्षेत्रनं. ३ को चौथो अधिवेशनले दिलिपकुमार पाण्डेयलाई क्षेत्रिय सभापतिमा सर्वसम्मतीले चयन गरेको छ ।

दिलिप पाण्डेय

नेपाली काँग्रेसको भातृसंगठन तरुण दलको जिल्ला अध्यक्ष उपेन्द्र चौधरीको अध्यक्षतामा बसेको बैठकले क्षेत्रनं. ३ को क्षेत्रिय सभापतिमा पाण्डेयलाई चयन गरेको नेपाली काँग्रेसका जिल्ला सदस्य प्रवेन्द्र पाठकले जानकारी दिनुभयो ।
त्यसैगरी सोही बैठकबाट तरुण दलको नगर सभापतिमा सर्वसम्मतीबाट राजिवकुमार झालाई चयन गरिएको हो । त्यसैगरी क्षेत्रिय प्रतिनिधिमा कपिलदेव रिजाललाई चयन गरिएको जनाइएको छ ।

राजिवकुमार झा

तिनै जना युवाहरुलाई काँग्रेसको भातृसंगठन तरण दलको जिम्मेवारी दिइएको जानकारी दिनुहुदै तरुण दलका जिल्ला अध्यक्ष उपेन्द्र चौधरीले केही दिन भित्रै जिल्ला अधिवेशन गर्ने र त्यसको तयारी भइरहेको वताउनुभयो ।

चौरचन के कथा

चौरचन के कथा

चौरचन के सम्बन्ध में स्कन्दपुराण मे चन्द्रोपाख्यान शीर्षक सँ वर्णित कथा -

नन्दिकेश्‍वर सन्तकुमार सँ कहैत छथिन्ह- "हे सन्त कुमार ! यदि अहाँ अपन शुभक कामना करैत छी तऽ एकाग्रचित सँ चन्द्रोपाख्यान सुनू । पुरुष होथि वा नारी ओ भाद्र शुक्ल चतुर्थीक चन्द्र पूजा करथि । ताहि सँ हुनका मिथ्या कलंक तथा सब प्रकार केँ विघ्नक नाश हेतैन्ह।" सन्तकुमार पुछलिन्ह- "हे ऋषिवर ! ई व्रत कोना पृथ्वी पर आएल से कहु।" त नन्दकेश्‍वर बजलाह-"ई व्रत सर्व प्रथम जगत केर नाथ श्री कृष्ण पृथ्वी पर कैलथिन्ह। सन्तकुमार केँ आश्‍चर्य भेलैन्ह। षड्गुण ऐश्‍वर्य सं सम्पन्‍न सोलहो कला सँ पूर, सृष्टिक कर्त्ता-धर्त्ता, ओ केना लोकनिन्दाक पात्र भेलाह।

नन्दीकेश्‍वर कहैत छथिन्ह – "हे सन्तकुमार! बलराम आओर कृष्ण, वसुदेव केर पुत्र भऽ पृथ्वी पर वास केलथिन्ह। ओ जरासन्धक भय सँ द्वारिका गेलथिन्ह। ओतय विश्‍वकर्मा द्वारा अपन पत्नीसबहक लेल १६ हजार तथा यादव सब केँ लेल ५६ करोड़ घर केँ निर्माण कय वास केलथिन्ह। ओहि द्वारिका मे उग्रनाम केर यादव केँ दूटा बेटा छलैन्ह, सतजित आओर प्रसेन। सतजित समुद्र तट पर जा अनन्य भक्‍तिसँ सूर्यक घोर तपस्या कय हुनका प्रसन्‍न केलाह। प्रसन्‍न सूर्य प्रगट भऽ वरदान माँगू कहलथिन्ह। सतजित हुनका सँ स्यमन्तक मणिक याचना कयलन्हि। सूर्य मणि दैत कहलथिन्ह, "हे सतजित! एकरा पवित्रता पूर्वक धारण करब, अन्यथा अनिष्ट होएत।" सतजित ओ मणि लऽ नगर मे प्रवेश करैत विचारय लगलाह ई मणि देखि कृष्ण मांगि नहि लेथि। ओ ई मणि अपन भाइ प्रसेन केँ देलथिन्ह। एकदिन प्रसेन श्री कृष्ण केर संग शिकार खेलय लेल जंगल गेलाह। जंगल मे प्रसेन पछुआ गेलाह। सिंह हुनका मारि मणि लऽ क चलल तऽ ओकरा जाम्बवान्‌ भालू मारि देलथिन्ह । जाम्बवान्‌ ओ मणि लऽ अपनावील मे प्रवेश कऽ खेलऽ लेल अपना पुत्र केऽ देलथिन्ह ।

एम्हर कृष्ण अपना संगी साथीक संग द्वारिका ऐलथिन्ह। ओहि समूहमे लोक सब प्रसेन केँ नहि देखि बाजय लगलाह जे ई पापी कृष्ण मणिक लोभ सँ प्रसेन केँ मारि देलाह। एहि मिथ्या कलंक सँ कृष्ण व्यथित भऽ चुप्पहि, प्रसेनक खोज लेल जंगल गेलाह। ओतऽ देखलाह प्रसेन मरल छथि। अाराे आगू गेलाह तऽ देखलाह एकटा सिंह मरल अछि। किछ देर अाराे आगू गेलाह त उत्तर दिशामे एकटा वील देखलाह। ओहि वील मे प्रवेश केलाह । ओ वील अन्धकारमय छलैक। ओकर दूरी १०० योजन यानि ४०० मील छल। कृष्ण अपना तेज सँ अन्धकार के नाश कय जखन अंतिम स्थान पर पहुँचलाह तऽ देखैत छथि कि खूब मजबूत, खूब निक सुन्दर भवन अछि। ओहि मे खूब सुन्दर पालना पर एकटा बच्चा के दाय झुला रहल छैक। बच्चा क आँखिक सामने ओ मणि लटकल छैक आ दाय गबैत छैक –

"सिंहः प्रसेनं  अवधीत्, सिंहो जाम्बवता  हतः।

सुकुमारक मा रोदी तव हि एषः स्यमन्तकः॥"

अर्थात्‌ "सिंह प्रसेन केँ मारलाह, सिंह जाम्बवान्‌ सँ मारल गेल, औ बौआ! जूनि कानू! अहींक ई स्यमन्तक मणि अछि।" तखनैहि एक अपूर्व सुन्दरी विधाताक अनुपम सृष्टि युवती ओतय अयलीह। ओ कृष्ण केँ देखि काम-ज्वर सँ व्याकुल भऽ गेलीह। ओ बजलीह, "हे कमलनेत्र! ई मणि अहाँ लियऽ आओर तुरत भागि जाउ। जा धरि हमर पिता जाम्बवान्‌ सुतल छथि।" श्री कृष्ण प्रसन्‍न भऽ शंख बजा देलथिन्ह। जाम्बवान्‌ उइठ गेलाह अा श्री कृष्ण सँ युद्ध करय लगलाह। हुनका दुनु केँ भयंकर बाहुयुद्ध २१ दिन धरि चलैत रहलन्हि। एम्हर द्वारिकावासी सात दिन धरि कृष्णक प्रतीक्षा कय हुनकर प्रेत क्रिया सेहो कय देलथिन्ह। २२अौ दिन जाम्बवान्‌ ई निश्‍चित क लेलैथ जे कि ई मानव नहि भऽ सकैत छथि। ई अवश्य परमेश्‍वर छथि । ओ युद्ध छोड़ि हुनकर प्रार्थना केलथिन्ह अौर अपन कन्या जाम्बवती केँ श्री कृष्ण केर अर्पण कय देलथिन्ह। भगवान् श्री कृष्ण मणि लैत जाम्बवतीक संग सभा भवन मे आइब, जनताक समक्ष सतजीत केँ ओ स्यमन्तक मणि सादर समर्पित कय देथिन्ह। सतजीत प्रसन्‍न भऽ अपन पुत्री सत्यभामा कृष्ण केर सेवा लेल अर्पण कय देलथिन्ह ।

किछुए दिन मे दुरात्मा शतधन्बा नामक एकटा यादव, सतजित केँ मारि ओ मणि लय लेलक। सत्यभामा सँ ई समाचार सूनि श्री कृष्ण, बलराम केँ कहलथिन्ह, "हे भ्राताश्री! ई मणि हमरे योग्य अछि। एकरा शतधन्बा लऽ लेलक। ओकरा पकड़ू।" शतधन्बा ई सूनि ओ मणि, अक्रूर केँ दय देलथिन्ह आओर रथ पर चढ़ि दक्षिण दिशा मे भागि गेलाह। कृष्ण-बलराम १०० योजन धरि हुनकर पांछाँ केलाह। वाद मे शतधन्बासंग मे मणि नहि देखि बलराम कृष्ण केँ फटकारऽ लगलाह, “हे कपटी कृष्ण ! अहाँ लोभी छी ।” कृष्ण केँ लाखों शपथ खेलो पर बलराम शान्त नहि भेलाह तथा विदर्भ देश चलि गेलाह। कृष्ण घूरिऽ‌‍ कय जहन द्वारिका एलाह, तँ लोक सभ फेर कलंक देबऽ लगलैन्ह। जे ई कृष्ण मणिक लोभ सँ बलराम एहन शुद्ध भाय केँ फेर छलपूर्वक द्वारिका सँ बाहर कय देलाह। अहि मिथ्या कलंक सँ कृष्ण संतप्त रहय लगलाह। अहि बीच नारद (ओहि समयक पत्रकार) त्रिभुवनलोक मे घुमैत कृष्ण सँ मिलक लेल आयल छलाह। चिन्तातुर उदास कृष्ण केँ देखि पुछथिन्ह “हे देवेश! किएक उदास छी?” कृष्ण कहलथिन्ह, ” हे नारद! हम बेरि-बेरि मिथ्यापवाद सँ पीड़ित भऽ रहल छी।” नारद कहलथिन्ह, “हे देवेश! अहाँ निश्‍चिते भादो मासक शुक्ल चतुर्थीक चन्द्र देखने होएब तेँ अपने केँ बेरि-बेरि मिथ्या कलंक लगैछ। श्री कृष्ण नारद सँ पूछलथिन्ह, “चन्द्र दर्शन सँ किऐक ई दोष लगैत छैक।” नारद जी कहलथिन्ह, “जे अति प्राचीन काल मे चन्द्रमा, गणेश जी सँ अभिशप्त भेलाह, जे अहाँक जे कियाे देखताह हुनको मिथ्या कलंक लगतैन्ह।” कृष्ण पूछलथिन्ह, “हे मुनिवर! गणेश जी किऐक चन्द्रमा केँशाप देलथिन्ह?” नारद जी कहलथिन्ह, “हे यदुनन्दन! एक बेरि ब्रह्मा, विष्णु आओर महेश पत्नीक रुप मे अष्ट सिद्धि आओर नवनिधि केँ गणेश केँ अर्पण कय प्रार्थना केलखिन। गणेश प्रसन्न भऽ हुनका तीनू केँ सृजन, पालन आओर संहार कार्य निर्विघ्न रूप सँ करु ई आशीर्वाद देलथिन्ह। ताहिकाल मे सत्यलोक सँ चन्द्रमा धीरे-धीरे नीचाँ आबि अपन सौन्दर्य मद सँ चूर भऽ गजवदन केँ उपहास केलखिन। तहन गणेश जी क्रुद्ध भऽ हुनका शाप देलथिन्ह,“हे चन्द्र! अहाँ अपन सुन्दरता सँ नितरा रहल छी। आइ सँ जे अहाँ केँ देखताह, हुनका मिथ्या कलंक लगतैन्ह ।” चन्द्रमा कठोर शाप सँ मलीन भऽ जलमे प्रवेश कय गेलाह। देवता लोकनि मे हाहाकार मचि गेल । ओ सब ब्रह्माक पास गेलाह। ब्रह्मा कहलथिन्ह अहाँ सब गणेश जी सँ जा कय विनती करू, वैह एकर उपाय बतेता। सब देवता पूछलखिन जे गणेशक दर्शन कोना होयत। ब्रह्मा बजलाह, “चतुर्थी तिथि केँ गणेश जी केर पूजा करु।” सब देवताचन्द्रमा सँ कहलथिन्ह। चन्द्रमा चतुर्थीक गणेश पुजा केलाह। गणेश बालरुप मे प्रकट भऽ दर्शन देलथिन्ह आओर कहलथिन्ह,"चन्द्रमा हम प्रसन्‍न छी, वरदान माँगू ।” चन्द्रमा प्रणाम करैत कहलथिन्ह, “हे सिद्धि विनायक! हम शाप मुक्‍त होइ, पाप मुक्‍त होइ, सभ हमर दर्शन करय।” गणेश जी कहलथिन जे हमर शाप व्यर्थ नहि जायत किन्तु शुक्ल पक्ष मे प्रथम उदित अहाँक दर्शन आओर नमन शुभकर रहत तथा भादोक शुक्ल पक्ष मे चतुर्थीक जे अहाँक दर्शन करताह हुनका लोकलांछणा लगतैन्ह । किन्तु यदि ओ “सिंहः प्रसेनं अवधीत्..” इत्यादि मन्त्र केँ पढ़ैत दर्शन करताह तथा हमर पूजा करताह हुनका ओ दोष नहि लगतैन्ह।

एवम् प्रकारेन्, श्री कृष्ण सेहो नारद सँ प्रेरित भऽ एहिव्रत केर अनुष्ठान कयलाह । तहन ओ लोक कलंक सँ मुक्‍त भेलाह ।

एहि चौठ तिथि आओर चौठ चन्द्र केँ जनमानस पर एहन प्रभाव पड़ल जे आइयो लोक चौठ तिथि केँ किछु नहि करऽ चाहैत छथि । कवि समाजो अपना काव्य मे चौठक चन्द्रमाक नीक रुप मे वर्णन नहि करैत छथि । कवि शिरोमणि तुलसी दासक सुन्दर काण्ड मे मन्दोदरी-रावण संवाद मे मन्दोदरीक मुख सँ अपन उदगार व्यक्‍त करैत छथि,“तजऊ चौथि के चन्द कि नाई” अर्थात "हे रावण। अहाँ सीता केँ चौठक चन्द्र जकाँ त्याग कऽ दियहु। नहि तऽ लोक निंदा करबैत अहाँक नाश कय देतीह।"

एतय ध्यान देबाक बात ई अछि जे जाहि चन्द्र केँ हम सब आकाश मे घटैत बढ़ैत देखैत छी ओ पुरुष रुप मे एक उत्तम दर्शन भाव लेने अछि।

ईन्दु कर्ण

नगराईन-२, धनुषा (नेपाल)

दशगजाको ५ सय मिटरसम्म रक्सी पसल हटाउन निर्देशन

महोत्तरी समाचारदाता

जलेश्वर, भदौ १६ गते । भारतको विहार राज्यमा मदिरामा पूर्ण प्रतिवन्ध लागेपछि अहिले नेपालको सिमानाकामा मदिरा खान भारतीयहरुको चहपहल बढेको देखिएको छ । तर ति चहलपहलमा अबको एक महिनापछि कमी आउने देखिएको छ ।

भारतसंग सिमा जोडिएको महोत्तरी जिल्लाको दशगजा क्षेत्रभित्रका ५ सय मिटरसम्म अव रक्सी पसल राख्न नपाईने सर्वदलिय निर्णय भएपछि दशगजाक्षेत्रमा यसमा चहलपहलमा कमी देखिने युवा पप्पु साहले जानकारी दिनुभयो ।

जिल्लाका उद्योगी, राजनितिकदल र जिल्ला प्रशासन कार्यालय सहितका सुरक्षा निकायहरु विच बुधवार भएको छलफल पछि सो निर्णय गरिएको हो ।

भारतको विहारमा रक्सीमा पुर्ण प्रतिबन्ध लागेको वेला भारतिय ग्राहकहरु नेपालको सिमामा आई रक्सी सेवन गर्ने गरेको र समय समयमा सोहि कारणले विवादहरु सृजना हुन थालेपछि स्थानिय राजनितिक दल र उद्योगीहरुको आग्रहमा प्रमुख जिल्ला अधिकारी विरेन्द्र यादवले सो निर्णय गरेका हुन । 

जिल्ला प्रशासन कार्यालयले एक सुचना जारी गदै दशगजाको ५ सय मिटरक्षेत्रलाई मदिरा निषेधित क्षेत्र घोषणा गरिएकोले मदिरा पसलहरु एकमहिना भित्र हटाउने अल्टिमेटम दिएको हो । प्रशासनले स्थानीय प्रशासन ऐन २०२८ को दफा ६ को उपदफा ३ बमोजिम जारी गरिएको यो सुचनालाई अवज्ञा गरि रक्सी पसलहरु नहटाइए कडा कानुनी कार्यवाही गर्ने जनाइएको छ ।

जिल्ला प्रशासन कार्यालयका प्रशासकिय अधिकृत शम्भुप्रसाद यादवले हस्ताक्षर गर्नुभएको यो सुचनामा एक महिना भित्र मदिरा पसल नहटाइए स्थानीय प्रशासन ऐन २०२८ अनुसार कारवाही गरिने समेत उल्लेख छ ।

यता, प्रमुख जिल्ला अधिकारी बिरेन्द्रकुमार यादवले जिल्लाको प्रसिद्ध पडौल स्थानको वरिपरि अर्था २ सय मिटरसम्म पनि मदिरा निषेधित क्षेत्र घोषणा गरिसकिएको वताउनुहुदै यो कार्यान्वयन तर्फ उन्मुख रहेको बताउनुभयो ।

हाल धार्मिक स्थल पडौल स्थानमा गरिएको २ सय मिटरको निर्णय पुर्ण सफल भएपछि त्यहा ५ सय मिटरसम्मको सिमा निर्धारण गर्ने प्रजिअको कथन छ ।

पर्खालमा किचिएर एक महिलाको मृत्यु

महोत्तरी समाचारदाता
जलेश्वर, भदौ १६ गते । महोत्तरी जिल्लाको पिपरामा वुधबार साँझ पर्खालले किचिएर एक महिलाको मृत्यु भएको छ ।
मृत्यु हुनेमा जिल्लाको पिपरा गाविस वडानं. १ की विनोद धन्कारकी २५ वर्षिय श्रीमती रन्जु देवी धन्कार रहेको जिल्ला प्रहरी कार्यालय महोत्तरीले जनाएको छ ।
खाना बनाउनको लागि धारामा पानी लिन गएकी रन्जुले पानी लिएर घर फर्किरहेकी बेला सोही ठाउँमा रहेको आस ईग्लिस बोडिँग स्कुलको कम्पाउन्डको पर्खाल ढल्दा उनी किचिएकी थिइन । उनलाई स्थानीयहरुले तत्कालै उपचारको लागि जनकपुर अञ्चल अस्पताल लग्दै गर्दा बाटोमै मृत्यु भएको जनाइएको छ ।
साँझ पानी परेको कारणले मनोज साहले सञ्चालन गरेको सो स्कुलको पर्खाल ढल्न पुगेको स्थानीयहरुले बताएका छन् ।