महोत्तरी समाचारदाता
जलेश्वर, पुस २३ गते । तराई मधेश लोकतान्त्रिक पार्टी (तमलोपा) महोत्तरीले बिहीबारदेखि महोत्तरीमा ‘जागो, जगाओ’ नारासहित जनजागरण अभियान शुरु गरेको छ ।
तमलोपाका जिल्ला अध्यक्ष अभिराम शर्माले जिल्लाको जलेश्वर नगरपालिकाको वडानं. १२ मलिवाडाबाट यो कार्यक्रमको विधिवत् शुभारम्भ गरिएको जानकारी दिनुभयो ।
जनजागरण अभियानमा मधेश आन्दोलनको एजेण्डा, अन्तरिम संविधानमा मधेश सम्बन्धि गरिएको व्यवस्था तथा लागु गरिएको नेपालको संविधान २०७२ मा मधेशलाई विभेद गरिएको बुँदाहरुबारे सर्वसाधारण जनतालाई जानकारी दिने उद्देश्य राखिएको अध्यक्ष शर्माले जानकारी दिनुभयो ।
हालै नेपाल सरकारले ‘जनताको संविधान जनताको माझमा’ नारासहित संविधानको विषयवस्तुबारे जानकारी गराउने उद्देश्यका साथ गरिएको कार्यक्रमको समानान्तर तमलोपाले जिल्लामा यस्तो कार्यक्रम गरिरहेको हो ।
तिन चरणमा गरिने यो कार्यक्रममा पहिलो चरणमा जिल्लाको क्षेत्रनं. ३ को १२ वटा गाविससहित सो गाउँको वरिपरी पनि यो कार्यक्रम गरिने लक्ष्य तमलोपाको रहेको छ । १० दिनसम्मको पहिलोचरण अन्तर्गतको कार्यक्रममा कार्यकर्ताहरुसहित पदयात्रा गरि विभिन्न गाउँमा गएर कार्यक्रम गर्ने छ ।
संयुक्त लोकतान्त्रिक मधेशी मोर्चाले गरिरहेको नाकावन्दी, सरकारी कार्यालय बन्द तथा आमहडताल कार्यक्रमलाई जारी राख्दै तमलोपाले आन्दोलनलाई थप उचाईमा लैजान यो कार्यक्रम ल्याएको सो पार्टीका युवा नेता सुशिल राउतले जानकारी दिनुभयो ।
यो अभियानमा मोर्चासहित समावेशी गठबन्धन, वुद्धिजीवी, नागरिकसमाज सबैलाई सहभागी हुन समेत तमलोपाले आग्रह गरेको छ ।
जनजागरण अभियानपूर्व तमलोपाले आयोजना गरेको पत्रकारसम्मेलनमा यो पत्रकारहरुले संगठन विस्तार गर्ने अभियान शुरु गरेको भन्ने प्रश्नमा अध्यक्ष अभिरामले यस्तो नभई मोर्चाले गरिरहेको आन्दोलनको विषयवस्तु र आफुहरुले गरिरहेको कामबारे सर्वसाधारणलाई जानकारी गराउने उद्देश्य रहेको स्पष्ट गर्नुभयो । उहाँले भन्नुभयो, ‘अहिले आन्दोलनको समय हो, संगठन विस्तार गर्ने होइन, हाम्रो उद्देश्य जनतालाई सूसुचित गराउने रहेको छ ।’
जनजागरण अभियानमा तमलोपाका सयौं कार्यकर्ताहरुको उपस्थिती रहेको छ ।
विस्तारै विस्तारै बजार, नाका, विद्यालयहरु खुल्न थालेपछि तथा मोर्चाले गरेको आन्दोलनमा सर्वसाधारणको उपस्थिती न्यून हुन थालेपछि तमलोपाले यस्तो अभियान थालेको हो ।
जलेश्वर, पुस २३ गते । तराई मधेश लोकतान्त्रिक पार्टी (तमलोपा) महोत्तरीले बिहीबारदेखि महोत्तरीमा ‘जागो, जगाओ’ नारासहित जनजागरण अभियान शुरु गरेको छ ।
तमलोपाका जिल्ला अध्यक्ष अभिराम शर्माले जिल्लाको जलेश्वर नगरपालिकाको वडानं. १२ मलिवाडाबाट यो कार्यक्रमको विधिवत् शुभारम्भ गरिएको जानकारी दिनुभयो ।
जनजागरण अभियानमा मधेश आन्दोलनको एजेण्डा, अन्तरिम संविधानमा मधेश सम्बन्धि गरिएको व्यवस्था तथा लागु गरिएको नेपालको संविधान २०७२ मा मधेशलाई विभेद गरिएको बुँदाहरुबारे सर्वसाधारण जनतालाई जानकारी दिने उद्देश्य राखिएको अध्यक्ष शर्माले जानकारी दिनुभयो ।
हालै नेपाल सरकारले ‘जनताको संविधान जनताको माझमा’ नारासहित संविधानको विषयवस्तुबारे जानकारी गराउने उद्देश्यका साथ गरिएको कार्यक्रमको समानान्तर तमलोपाले जिल्लामा यस्तो कार्यक्रम गरिरहेको हो ।
तिन चरणमा गरिने यो कार्यक्रममा पहिलो चरणमा जिल्लाको क्षेत्रनं. ३ को १२ वटा गाविससहित सो गाउँको वरिपरी पनि यो कार्यक्रम गरिने लक्ष्य तमलोपाको रहेको छ । १० दिनसम्मको पहिलोचरण अन्तर्गतको कार्यक्रममा कार्यकर्ताहरुसहित पदयात्रा गरि विभिन्न गाउँमा गएर कार्यक्रम गर्ने छ ।
संयुक्त लोकतान्त्रिक मधेशी मोर्चाले गरिरहेको नाकावन्दी, सरकारी कार्यालय बन्द तथा आमहडताल कार्यक्रमलाई जारी राख्दै तमलोपाले आन्दोलनलाई थप उचाईमा लैजान यो कार्यक्रम ल्याएको सो पार्टीका युवा नेता सुशिल राउतले जानकारी दिनुभयो ।
यो अभियानमा मोर्चासहित समावेशी गठबन्धन, वुद्धिजीवी, नागरिकसमाज सबैलाई सहभागी हुन समेत तमलोपाले आग्रह गरेको छ ।
जनजागरण अभियानपूर्व तमलोपाले आयोजना गरेको पत्रकारसम्मेलनमा यो पत्रकारहरुले संगठन विस्तार गर्ने अभियान शुरु गरेको भन्ने प्रश्नमा अध्यक्ष अभिरामले यस्तो नभई मोर्चाले गरिरहेको आन्दोलनको विषयवस्तु र आफुहरुले गरिरहेको कामबारे सर्वसाधारणलाई जानकारी गराउने उद्देश्य रहेको स्पष्ट गर्नुभयो । उहाँले भन्नुभयो, ‘अहिले आन्दोलनको समय हो, संगठन विस्तार गर्ने होइन, हाम्रो उद्देश्य जनतालाई सूसुचित गराउने रहेको छ ।’
जनजागरण अभियानमा तमलोपाका सयौं कार्यकर्ताहरुको उपस्थिती रहेको छ ।
विस्तारै विस्तारै बजार, नाका, विद्यालयहरु खुल्न थालेपछि तथा मोर्चाले गरेको आन्दोलनमा सर्वसाधारणको उपस्थिती न्यून हुन थालेपछि तमलोपाले यस्तो अभियान थालेको हो ।
