महोत्तरी समाचारदाता
जलेश्वर, माघ ६ गते । मधेश आन्दोलनको कारण महोत्तरीमा पाँच महिनाभन्दा बढी समयदेखि बन्द रहेको बससेवा वुधबारदेखि सुचारु भएको छ ।
साउन महिनाको अन्तिम हप्तादेखि बन्द रहेको बस सेवा वुधबारबाट सुचारु भएपछि स्थानीयबासीहरु हर्षित भएका छन् ।
बस सेवा सुचारु नहुँदा जिल्लाबासीहरुलाई महँगो भाडादर तिरेर गन्तव्यमा जानुपर्ने वाध्यता रहँदै आएको थियो । बससेवा अभावमा स्थानीयहरु लामो दुरीमा मोटरसाईकल तथा सानो दुरीमा ईरिक्सा तथा साईकल प्रयोग गर्ने गरेका थिए ।
विस्तारै विस्तारै बाजार तथा आर्थिक क्षेत्र खुल्न थालेपछि बस व्यवसायीहरुले बस खोल्ने निर्णय गर्दै बस सुचारु गरेका हुन् ।
वुधबारदेखि जनकपुरदेखि भिठामोड, जलेश्वरदेखि मटिहानी तथा जलेश्वरदेखि बर्दिबाससम्मको यातायात सुचारु भएको छ भने राजधानी जाने बसहरु पनि वुधबारबाटै सञ्चालनमा आउने जनाईएको छ ।
यता, बस संचालन भएको सम्बन्धमा संयुक्त मधेशी मोर्चाका एक घटक तराई मधेश लोकतान्त्रिक पार्टीका अध्यक्ष अभिराम शर्मासंग जिज्ञासा राख्दा उहाँले बन्दको अवज्ञा गरिएको बारे आफुहरुलाई थाहा नभएको बताउनुभयो । उहाँले आफुहरुलाई यसबारे आधिकारिक थाहा नभएको तर धनुषाको मोर्चाको सहयोगमा बस व्यवसायीहरुले वुधबारदेखि बस सुचारु गरेको हुन सक्ने वताउनुभयो । यसबारे थप बुझिरहेको उहाँको कथन थियो ।
पाँच महिनाभन्दा लामो बन्दीको कारणले अन्य क्षेत्रहरु कहिल्येकाँही खुलेपनि बससेवा भने पूर्णतः बन्द रहँदै आएको थियो । नाका, बजारहरु खुल्न थालेपछि बस सेवा पनि खोलिएको हो ।
साउन २९ गतेदेखि नै यसक्षेत्रमा बस सेवा पूर्णतः ठप्प रहँदै आएको थियो । बस सेवा सुचारु भएपछि सरकारी कार्यालयहरु पनि बिहीबारदेखि खुल्ने अनुमान गरिन थालिएको छ । महोत्तरीको सदरमुकाम जलेश्वरमा पाँच महिनादेखि सम्पूर्ण सरकारी कार्यालयहरु ठप्प रहेका छन् ।
जलेश्वर, माघ ६ गते । मधेश आन्दोलनको कारण महोत्तरीमा पाँच महिनाभन्दा बढी समयदेखि बन्द रहेको बससेवा वुधबारदेखि सुचारु भएको छ ।
साउन महिनाको अन्तिम हप्तादेखि बन्द रहेको बस सेवा वुधबारबाट सुचारु भएपछि स्थानीयबासीहरु हर्षित भएका छन् ।
बस सेवा सुचारु नहुँदा जिल्लाबासीहरुलाई महँगो भाडादर तिरेर गन्तव्यमा जानुपर्ने वाध्यता रहँदै आएको थियो । बससेवा अभावमा स्थानीयहरु लामो दुरीमा मोटरसाईकल तथा सानो दुरीमा ईरिक्सा तथा साईकल प्रयोग गर्ने गरेका थिए ।
विस्तारै विस्तारै बाजार तथा आर्थिक क्षेत्र खुल्न थालेपछि बस व्यवसायीहरुले बस खोल्ने निर्णय गर्दै बस सुचारु गरेका हुन् ।
वुधबारदेखि जनकपुरदेखि भिठामोड, जलेश्वरदेखि मटिहानी तथा जलेश्वरदेखि बर्दिबाससम्मको यातायात सुचारु भएको छ भने राजधानी जाने बसहरु पनि वुधबारबाटै सञ्चालनमा आउने जनाईएको छ ।
यता, बस संचालन भएको सम्बन्धमा संयुक्त मधेशी मोर्चाका एक घटक तराई मधेश लोकतान्त्रिक पार्टीका अध्यक्ष अभिराम शर्मासंग जिज्ञासा राख्दा उहाँले बन्दको अवज्ञा गरिएको बारे आफुहरुलाई थाहा नभएको बताउनुभयो । उहाँले आफुहरुलाई यसबारे आधिकारिक थाहा नभएको तर धनुषाको मोर्चाको सहयोगमा बस व्यवसायीहरुले वुधबारदेखि बस सुचारु गरेको हुन सक्ने वताउनुभयो । यसबारे थप बुझिरहेको उहाँको कथन थियो ।
पाँच महिनाभन्दा लामो बन्दीको कारणले अन्य क्षेत्रहरु कहिल्येकाँही खुलेपनि बससेवा भने पूर्णतः बन्द रहँदै आएको थियो । नाका, बजारहरु खुल्न थालेपछि बस सेवा पनि खोलिएको हो ।
साउन २९ गतेदेखि नै यसक्षेत्रमा बस सेवा पूर्णतः ठप्प रहँदै आएको थियो । बस सेवा सुचारु भएपछि सरकारी कार्यालयहरु पनि बिहीबारदेखि खुल्ने अनुमान गरिन थालिएको छ । महोत्तरीको सदरमुकाम जलेश्वरमा पाँच महिनादेखि सम्पूर्ण सरकारी कार्यालयहरु ठप्प रहेका छन् ।
