बजेट सक्ने नाममा जिविस महोत्तरीमा चलखेल

बजेट सक्ने नाममा जिविस महोत्तरीमा चलखेल

जलेश्वर, ३० असार । बजेट सक्ने नाममा जिल्ला विकास समिति महोत्तरीले जिल्लाका केही गैरसरकारी संस्थाहरुलाई विभिन्न क्रियाकलापका लागि योजना दिएपनि जिविसका कर्मचारीहरुले भुक्तानीको नाममा हैरानी सिर्जना गरेको गैरसरकारी संस्थाका प्रतिनिधिहरुले जानकारी दिएका छन् । बजेट सकाउने निहुँमा जिल्ला विकास समिति महोत्तरीका स्थानीय विकास अधिकारी, योजना अधिकृत, लेखापालसहितका मिलेमतोमा जिल्लाका केही गैरसरकारी संस्थाहरुसंग मोटो कमिशनको लोभमा योजनाहरु बाँडफाँड गरिएको छ । ती योजनाहरु कतिपय गैरसरकारी संस्थाहरुले कागजमै काम देखाएर भुक्तानीका लागि र कतिपयले काम गरेर भुक्तानीका लागि आग्रह गर्दासमेत जिविसका कर्मचारीहरु आलटाल गरिरहेका छन् । एक गैरसरकारी संस्थाका संचालकले नाम नलेखिदिने शर्तमा पैचो र उधारो लिएर जिविसले दिएको योजना अनुसारको क्रियाकलाप गरेपनि जिविसले अहिले सो को भुक्तानीको लागि हैरान बनाएको जानकारी दिए । जिविस महोत्तरीले बढी कमिशन दिएका केही गैरसरकारी संस्थालाई भुक्तानी दिइसकेपनि जसले राम्रो काम गरेको छ त्यसको मूल्याँकन नै नगरी भुक्तानीमा आलटाल गरिरहेको ति सञ्चालकले जानकारी दिए । जिविस महोत्तरीले यो आर्थिक वर्षमा कुन कुन संस्थालाई कुन कुन आधारमा कार्यक्रमहरु प्रदान गरियो भन्ने माग गर्दा जिविसले कामको वोझ भएको भन्दै अहिले दिन इनकार गरेको छ ।

- See more at: http://www.madheshvani.com/details/12801/madhesh-update#sthash.bWwxCksh.dpuf