महोत्तरी समाचारदाता
जलेश्वर, भदौ १७ गते । नेपाली काँग्रेसको भातृसंगठन नेपाल तरुण दल महोत्तरीको क्षेत्रनं. ३ को चौथो अधिवेशनले दिलिपकुमार पाण्डेयलाई क्षेत्रिय सभापतिमा सर्वसम्मतीले चयन गरेको छ ।
 |
| दिलिप पाण्डेय |
नेपाली काँग्रेसको भातृसंगठन तरुण दलको जिल्ला अध्यक्ष उपेन्द्र चौधरीको अध्यक्षतामा बसेको बैठकले क्षेत्रनं. ३ को क्षेत्रिय सभापतिमा पाण्डेयलाई चयन गरेको नेपाली काँग्रेसका जिल्ला सदस्य प्रवेन्द्र पाठकले जानकारी दिनुभयो ।
त्यसैगरी सोही बैठकबाट तरुण दलको नगर सभापतिमा सर्वसम्मतीबाट राजिवकुमार झालाई चयन गरिएको हो । त्यसैगरी क्षेत्रिय प्रतिनिधिमा कपिलदेव रिजाललाई चयन गरिएको जनाइएको छ ।
 |
| राजिवकुमार झा |
तिनै जना युवाहरुलाई काँग्रेसको भातृसंगठन तरण दलको जिम्मेवारी दिइएको जानकारी दिनुहुदै तरुण दलका जिल्ला अध्यक्ष उपेन्द्र चौधरीले केही दिन भित्रै जिल्ला अधिवेशन गर्ने र त्यसको तयारी भइरहेको वताउनुभयो ।
