स्वरोजगारले दाम र माम दुवै मिल्छ
महोत्तरी समाचारदाता
जलेश्वर, माघ १८ गते । वैदेशिक रोजगारीमा हाड घोटेर मेहनत गदैं कमाउनुभन्दा आफ्नै गाउँ ठाउँमा कुनै स्वरोजगार गरिए माम र दाम दुबै मिल्ने सन्देश जलेश्वरका युवा बिट्टुकुमार महतोले दिईराख्नुभएको छ ।
केही वर्ष पहिला काठमाण्डौंमा आफ्नै काकासंगै काम गदै आउनुभएका बिट्टु भुकम्प पश्चात जलेश्वर आउनुभएर पानीपुरी र मम वेच्दै आउनुभएको छ । सदरमुकाम जलेश्वरको मुटु मानिने दुर्गाचोकमा एउटा ठेलामा उहाँ दैनिक पानीपुरी र मम वेचेर परिवारको गुजारा गरिराख्नुभएको छ ।
हरेक दिन करिब २ बजेतिर चोकमा ठेला लगाएर पानीपुरी र मम वेचेर गुजारा गर्नुहुने उहाँले नाकावन्दी तथा वन्दको मार आफुहरुलाई समेत परेको बताउनुभयो । वन्दको कारणले ग्राहक नआउने तथा नाकावन्दीको कारणले पानीपुरी र मम बनाउने सामग्रीहरु महँगिएकोले समस्या भएको उहाँको कथन थियो ।
जलेश्वर नगरपालिका वडानं. ४ कै स्थायी वासिन्दा बिट्टुले यो कामले दैनिक करिब दुईहजारसम्मको कमाई हुने जानकारी दिनुहुदै अहिलेको कमाईको वचत ऋण तिर्नमै गईरहेको बताउनुभयो ।
उहाँले क्यान्सर लागेर वित्नुभएका वुवा श्यामकुमार मण्डलको उपचारको लागि लिईएको ऋण तिर्नमै अहिलेको कमाई गईरहेको जानकारी दिनुहुदै यो वर्षपछि आफुहरुको सपना पुरा गर्न सकिने विश्वास रहेको बताउनुभयो । राम्रो घर बनाउने, छोराछोरी जन्माएर राम्रो विद्यालयमा पढाउने, सुखी र आनन्दपूर्वक बस्ने पाउने हरेकको सपना रहेको र आफुहरुको सपना पनि यो भन्दा बढी नभएको उहाँको कथन थियो ।
उहाँको ठेलाको अगाडी साँझसम्म ग्राहकहरुको भिड रहने गरेको देखिन्छ । युवतीहरु पनि ठेला अगाडी पानीपुरीमा झुम्मिरहेका भेटिन्छन् । ठेलाकै अगाडीमा मम खाईरहनुभएका पंकज साहले राम्रो मम र पानीपुरी बनाउने गरेकोले आफु दैनिकको एउटा ग्राहक भएको वताउनुभयो । जलेश्वरमा पानीपुरी र ममको पसलको अभाव रहेको कारण आफु यहाँ आएर पसल थापेको वताउनुहुदै बिट्टुले भुकम्प पश्चात आफु काठमाण्डौ नगएको वताउनुभयो ।
विगत एक दशक भन्दा बढी समयदेखि काठमाण्डौंमा काकाको पसलमा यही काम गर्दै आएको कारणले पनि मम र पानीपुरी राम्रो बनाउने गरेको तथा यही कारणले ग्राहकहरुको बढोत्तरी हुँदै गएको उहाँको ठम्याई छ ।
उहाँले वैदेशिक रोजगारमा जाने युवाहरुलाई यही स्वरोजगार गर्ने हो भने मेहनत पनि कम पर्ने तथा साथीभाई, करकुटुम्ब (आफन्त) तथा परिवारसंगै बसेर राम्रो कमाई गर्न सक्ने सुझाव दिनुभयो । उहाँले वैदेशिक रोजगारमा गएर आएपछि त्यहाँको सिप यहाँ उपयोग गर्न युवाहरुलाई सल्लाह दिनुभयो ।
तिन दाजुभाई मध्ये कान्छो रहेको बिट्टु सबैजना अहिले अलग भइसकेको वताउनुहुदै काठमाण्डौंमै काम गर्दाताका एक पहाडीमूलकी केटीसंग लभ परेको र त्यही केटीलाई अहिले पत्नीको रुपमा भित्रयाएको जानकारी दिनुभयो ।
उहाँले यही कमाईले जीवन राम्ररी गुजारा भइरहेको जानकारी दिनुहुदै ऋण तिरिसकेपछि आफ्ना सपनाहरु पुरा गर्ने वताउनुभयो । उहाँले चाँडै नाकावन्दी तथा वन्द फिर्ता लिनुपर्ने वताउनुहुदै यसको कारणले कमाई न्यून हुन थालेको जानकारी दिनुभयो ।
उहाँले एकहजार पाँच सय पर्ने ग्याँस सिलिण्डरकै अहिले तिनहजार सम्म पाईने गरेको र सहज पनि नपाईने हुनाले समस्या भएको बताउनुहुदै अन्य सामग्रीहरु प्नि महँगिएकोले वन्द चाँडै फिर्ता लिन सम्बन्धित पार्टीसंग आग्रह गर्नुभयो ।
महोत्तरी समाचारदाता
जलेश्वर, माघ १८ गते । वैदेशिक रोजगारीमा हाड घोटेर मेहनत गदैं कमाउनुभन्दा आफ्नै गाउँ ठाउँमा कुनै स्वरोजगार गरिए माम र दाम दुबै मिल्ने सन्देश जलेश्वरका युवा बिट्टुकुमार महतोले दिईराख्नुभएको छ ।
केही वर्ष पहिला काठमाण्डौंमा आफ्नै काकासंगै काम गदै आउनुभएका बिट्टु भुकम्प पश्चात जलेश्वर आउनुभएर पानीपुरी र मम वेच्दै आउनुभएको छ । सदरमुकाम जलेश्वरको मुटु मानिने दुर्गाचोकमा एउटा ठेलामा उहाँ दैनिक पानीपुरी र मम वेचेर परिवारको गुजारा गरिराख्नुभएको छ ।
हरेक दिन करिब २ बजेतिर चोकमा ठेला लगाएर पानीपुरी र मम वेचेर गुजारा गर्नुहुने उहाँले नाकावन्दी तथा वन्दको मार आफुहरुलाई समेत परेको बताउनुभयो । वन्दको कारणले ग्राहक नआउने तथा नाकावन्दीको कारणले पानीपुरी र मम बनाउने सामग्रीहरु महँगिएकोले समस्या भएको उहाँको कथन थियो ।
जलेश्वर नगरपालिका वडानं. ४ कै स्थायी वासिन्दा बिट्टुले यो कामले दैनिक करिब दुईहजारसम्मको कमाई हुने जानकारी दिनुहुदै अहिलेको कमाईको वचत ऋण तिर्नमै गईरहेको बताउनुभयो ।
उहाँले क्यान्सर लागेर वित्नुभएका वुवा श्यामकुमार मण्डलको उपचारको लागि लिईएको ऋण तिर्नमै अहिलेको कमाई गईरहेको जानकारी दिनुहुदै यो वर्षपछि आफुहरुको सपना पुरा गर्न सकिने विश्वास रहेको बताउनुभयो । राम्रो घर बनाउने, छोराछोरी जन्माएर राम्रो विद्यालयमा पढाउने, सुखी र आनन्दपूर्वक बस्ने पाउने हरेकको सपना रहेको र आफुहरुको सपना पनि यो भन्दा बढी नभएको उहाँको कथन थियो ।
उहाँको ठेलाको अगाडी साँझसम्म ग्राहकहरुको भिड रहने गरेको देखिन्छ । युवतीहरु पनि ठेला अगाडी पानीपुरीमा झुम्मिरहेका भेटिन्छन् । ठेलाकै अगाडीमा मम खाईरहनुभएका पंकज साहले राम्रो मम र पानीपुरी बनाउने गरेकोले आफु दैनिकको एउटा ग्राहक भएको वताउनुभयो । जलेश्वरमा पानीपुरी र ममको पसलको अभाव रहेको कारण आफु यहाँ आएर पसल थापेको वताउनुहुदै बिट्टुले भुकम्प पश्चात आफु काठमाण्डौ नगएको वताउनुभयो ।
विगत एक दशक भन्दा बढी समयदेखि काठमाण्डौंमा काकाको पसलमा यही काम गर्दै आएको कारणले पनि मम र पानीपुरी राम्रो बनाउने गरेको तथा यही कारणले ग्राहकहरुको बढोत्तरी हुँदै गएको उहाँको ठम्याई छ ।
उहाँले वैदेशिक रोजगारमा जाने युवाहरुलाई यही स्वरोजगार गर्ने हो भने मेहनत पनि कम पर्ने तथा साथीभाई, करकुटुम्ब (आफन्त) तथा परिवारसंगै बसेर राम्रो कमाई गर्न सक्ने सुझाव दिनुभयो । उहाँले वैदेशिक रोजगारमा गएर आएपछि त्यहाँको सिप यहाँ उपयोग गर्न युवाहरुलाई सल्लाह दिनुभयो ।
तिन दाजुभाई मध्ये कान्छो रहेको बिट्टु सबैजना अहिले अलग भइसकेको वताउनुहुदै काठमाण्डौंमै काम गर्दाताका एक पहाडीमूलकी केटीसंग लभ परेको र त्यही केटीलाई अहिले पत्नीको रुपमा भित्रयाएको जानकारी दिनुभयो ।
उहाँले यही कमाईले जीवन राम्ररी गुजारा भइरहेको जानकारी दिनुहुदै ऋण तिरिसकेपछि आफ्ना सपनाहरु पुरा गर्ने वताउनुभयो । उहाँले चाँडै नाकावन्दी तथा वन्द फिर्ता लिनुपर्ने वताउनुहुदै यसको कारणले कमाई न्यून हुन थालेको जानकारी दिनुभयो ।
उहाँले एकहजार पाँच सय पर्ने ग्याँस सिलिण्डरकै अहिले तिनहजार सम्म पाईने गरेको र सहज पनि नपाईने हुनाले समस्या भएको बताउनुहुदै अन्य सामग्रीहरु प्नि महँगिएकोले वन्द चाँडै फिर्ता लिन सम्बन्धित पार्टीसंग आग्रह गर्नुभयो ।
