वुद्धिचाल छनौट खेल शुरु

वुद्धिचाल छनौट खेल शुरु
महोत्तरी समाचारदाता
जलेश्वर, कात्तिक १४ गते । महोत्तरी जिल्लाको सदरमुकाम जलेश्वरमा शनिबारदेखि सातौ राष्ट्रिय बुद्धिचाल प्रतियोगिताको लागि जिल्ला स्तरीय छनौट प्रतियोगिता शुरु भएको छ ।
जिल्ला खेलकुद विकास समितिको आयोजना तथा जिल्ला वुद्धिचाल संघको सहआयोजनामा शुरु भएको छनौट प्रतियोगितामा जिल्लाका १४ खेलाडीले भाग लिएका छन् ।
सदरमुकाम जलेश्वरको महोत्तरी क्लव तथा पुस्तकालयमा शुरु भएको प्रतियोगिता सोमबार सम्म चल्ने जिल्ला वुद्धिचाल संघका अध्यक्ष तथा प्रशिक्षक दिपुकुमार साहले जानकारी दिनुभयो ।

उहाँले छनौट प्रतियोगितामा जिल्लाका दुईवटा खेलाडी छनौट गरी क्षेत्रियस्तरको प्रतियोगितामा भाग लिन पठाइने जानकारी दिनुहुदै यो प्रतियोगिताले जिल्लामा खेलाडी उत्पादन समेत हुने दावी गर्नुभयो ।
प्रतियोगितामा जिल्ला खेलकुद विकास समितिका अध्यक्ष जितेन्द्र चौधरी, समितिका प्रतिनिधि तथा कराँते प्रशिक्षक विन्देश्वर साह र समितिका कोषाध्यक्ष राजु पन्तको समेत उपस्थिती रहेको छ ।

छनौट प्रतियोगितामा नागेन्द्रकुमार कर्ण बरेल, राकेश प्रसाद चौधरी, रञ्जन भण्डारी, लक्ष्मीकुमार साह पप्पु, रजि हैदर, रामबाबु यादव, गंगा प्रसाद साह, मुकेश साह, रतन साह, राकेशकुमार झा, गजेन्द्र गुप्ता, लक्ष्मण महासेठ, सन्त बहादुर थापा लगायतका खेलाडीहरुको सहभागिता रहेको थियो ।
छनौट प्रतियोगितामा वुद्धिचाल खेलमा राष्ट्रियस्तरमा भाग लिइसकेका खेलाडीहरुको समेत उपस्थिती रहेको जनाइएको छ ।


--

Nagendra kumar karna
9844031194