Nagendra Kumar Karna
महोत्तरी समाचारदाता
जलेश्वर, साउन ९ गते । तराई मधेशका जिल्ला सदरमुकामहरुलाई आर्थिक तथा व्यवसायिक केन्द्रको रुपमा विस्तार गरी आधुनिक शहरमा रुपान्तरण गर्न सहरी विकास मन्त्रालय, सहरी विकास तथा भवन निर्माण विभागले महोत्तरी जिल्लाको सदरमुकाम जलेश्वरमा एक अन्तरक्रिया आयोजना गरेको छ ।
‘जलेश्वर नगरपालिकामा सघन सहरी विकास’ कार्यक्रम अन्तर्गत जलेश्वर नगरपालिकाको आयोजनामा सहरी विकास मन्त्रालयले अन्तरक्रिया आयोजना गरेको हो । नयाँ सहर आयोजनाका आयोजना निर्देशक चक्रवर्ती कंठको प्रमुख आतिथ्यमा भएको सो कार्यक्रममा प्रमुख अतिथी कंठले तराई जिल्लाको सदरमुकामको विकासको लागि ५० करोड रुपैया आएको जानकारी दिनुहुदै सदरमुकामहरुलाई आर्थिक तथा व्यवसायिक केन्द्रको रुपमा विकास गरिने लक्ष्य मन्त्रालयले लिएको जानकारी दिनुभयो ।
उहाँले भौतिक संरचना निर्माण, सडक विस्तार, ढल व्यवस्थापन, मनोरञ्जन पार्क, सौर्यउर्जा, बसपार्क, खानेपानी लगायत पूर्वाधार निर्माण, बजार व्यवस्थापन तथा सौन्दर्यकरणको लागि यी रकम खर्च गरिने जानकारी दिनुहुदै यही साउन १५ गते भित्र उच्च प्राथमिकताहरु छनौट गरी प्रतिवेदन वुझाउनुपर्ने भएकोले अन्तरक्रिया गरिएको जानकारी दिनुभयो ।
नगरपालिकाहरुमा बजेट कार्यान्वयन गर्न गठित मिसन टोलीका संयोजक समेत रहनुभएका निमित्त आयोजना निर्देशक कंठले नगरपालिकाको कार्यक्षेत्र भित्र एकिकृत कार्यमूलक योजना, आवद्यिक योजना, भौतिक विकास योजना, रणनैतिक शहरी विकास योजना लगायतका प्राथमिकताकाक्षेत्रहरु पहिचान गरी सोही अनुसार प्रतिवेदन पेश गर्ने बताउनुहुदैं उहाँले ईमान्दारीपूर्वक काम भएको खण्डमा जलेश्वरको विकास सम्भव रहेको बताउनुभयो ।
उहाँले यी योजनाहरुको लागि कम्तीमा पनि सडक २० फिटको हुनुपर्ने जानकारी गराउनुहुदै यसको लागि राजनैतिकदलहरु, नागरिकसमाज, सञ्चारकर्मीहरु तथा स्थानीयहरुको सहयोग अपरिहार्य रहेको बताउनुभयो ।
उहाँले यहाँका सरोकारबालाहरु सबैले सकारात्मक सोचले काम गर्ने हो भने तिनवर्षको लागि कम्तीमा पनि डेढ सय करोडको आयोजनाको काम गरिने जानकारी दिनुहुदै सबैलाई सहयोगको लागि आग्रह गर्नुभयो ।
जलेश्वर नगरपालिकाका अधिकृत माघवेन्द्र चौधरीको अध्यक्षतामा भएको अन्तरक्रिया कार्यक्रममा सहरी विकास तथा भवन निर्माण विभागका इन्जिनियरद्वय सशीन्द्र घिमिरे, विश्वराज प्रजापतिसहित जलेश्वरनगरपालिका राजनैतिकदलका प्रतिनिधिहरु, सञ्चारकर्मीहरु, नागरिकसमाजका अगुवाहरु, युवाहरुको उल्लेख्य सहभागिता रहेको थियो ।
सो अवसरमा स्थानीयहरुले नगरभित्रकै विभिन्न वडाहरुले शहरको अनूभूति नगरेको अवस्थामा आएको यो कामको सराहना गर्नुहुदै यो आयोजना कार्यान्वयनको लागि आफुहरुले सक्दो सहयोग गर्ने आश्वासन दिएका थिए ।
महोत्तरी समाचारदाता
जलेश्वर, साउन ९ गते । तराई मधेशका जिल्ला सदरमुकामहरुलाई आर्थिक तथा व्यवसायिक केन्द्रको रुपमा विस्तार गरी आधुनिक शहरमा रुपान्तरण गर्न सहरी विकास मन्त्रालय, सहरी विकास तथा भवन निर्माण विभागले महोत्तरी जिल्लाको सदरमुकाम जलेश्वरमा एक अन्तरक्रिया आयोजना गरेको छ ।
‘जलेश्वर नगरपालिकामा सघन सहरी विकास’ कार्यक्रम अन्तर्गत जलेश्वर नगरपालिकाको आयोजनामा सहरी विकास मन्त्रालयले अन्तरक्रिया आयोजना गरेको हो । नयाँ सहर आयोजनाका आयोजना निर्देशक चक्रवर्ती कंठको प्रमुख आतिथ्यमा भएको सो कार्यक्रममा प्रमुख अतिथी कंठले तराई जिल्लाको सदरमुकामको विकासको लागि ५० करोड रुपैया आएको जानकारी दिनुहुदै सदरमुकामहरुलाई आर्थिक तथा व्यवसायिक केन्द्रको रुपमा विकास गरिने लक्ष्य मन्त्रालयले लिएको जानकारी दिनुभयो ।
उहाँले भौतिक संरचना निर्माण, सडक विस्तार, ढल व्यवस्थापन, मनोरञ्जन पार्क, सौर्यउर्जा, बसपार्क, खानेपानी लगायत पूर्वाधार निर्माण, बजार व्यवस्थापन तथा सौन्दर्यकरणको लागि यी रकम खर्च गरिने जानकारी दिनुहुदै यही साउन १५ गते भित्र उच्च प्राथमिकताहरु छनौट गरी प्रतिवेदन वुझाउनुपर्ने भएकोले अन्तरक्रिया गरिएको जानकारी दिनुभयो ।
नगरपालिकाहरुमा बजेट कार्यान्वयन गर्न गठित मिसन टोलीका संयोजक समेत रहनुभएका निमित्त आयोजना निर्देशक कंठले नगरपालिकाको कार्यक्षेत्र भित्र एकिकृत कार्यमूलक योजना, आवद्यिक योजना, भौतिक विकास योजना, रणनैतिक शहरी विकास योजना लगायतका प्राथमिकताकाक्षेत्रहरु पहिचान गरी सोही अनुसार प्रतिवेदन पेश गर्ने बताउनुहुदैं उहाँले ईमान्दारीपूर्वक काम भएको खण्डमा जलेश्वरको विकास सम्भव रहेको बताउनुभयो ।
उहाँले यी योजनाहरुको लागि कम्तीमा पनि सडक २० फिटको हुनुपर्ने जानकारी गराउनुहुदै यसको लागि राजनैतिकदलहरु, नागरिकसमाज, सञ्चारकर्मीहरु तथा स्थानीयहरुको सहयोग अपरिहार्य रहेको बताउनुभयो ।
उहाँले यहाँका सरोकारबालाहरु सबैले सकारात्मक सोचले काम गर्ने हो भने तिनवर्षको लागि कम्तीमा पनि डेढ सय करोडको आयोजनाको काम गरिने जानकारी दिनुहुदै सबैलाई सहयोगको लागि आग्रह गर्नुभयो ।
जलेश्वर नगरपालिकाका अधिकृत माघवेन्द्र चौधरीको अध्यक्षतामा भएको अन्तरक्रिया कार्यक्रममा सहरी विकास तथा भवन निर्माण विभागका इन्जिनियरद्वय सशीन्द्र घिमिरे, विश्वराज प्रजापतिसहित जलेश्वरनगरपालिका राजनैतिकदलका प्रतिनिधिहरु, सञ्चारकर्मीहरु, नागरिकसमाजका अगुवाहरु, युवाहरुको उल्लेख्य सहभागिता रहेको थियो ।
सो अवसरमा स्थानीयहरुले नगरभित्रकै विभिन्न वडाहरुले शहरको अनूभूति नगरेको अवस्थामा आएको यो कामको सराहना गर्नुहुदै यो आयोजना कार्यान्वयनको लागि आफुहरुले सक्दो सहयोग गर्ने आश्वासन दिएका थिए ।
