महोत्तरी समाचारदाता
जलेश्वर, पुस २६ गते । महोत्तरी र धनुषा जिल्लाको लागि रहेको एकमात्र जलेश्वर कारागारका ६ जना कैदीलाई अन्य कारागार सरुवा गरिएको छ ।
जिल्ला कारागार महोत्तरीका जेलर शोभेन्द्र ठाकुरले कारागारको माथिल्लो तल्लाको भवन चर्किएको कारणले कारागारमा रहेका ६ जना कैदीलाई सुनसरीको झुम्का कारागारमा सरुवा गरिएको जानकारी दिनुभयो । सरुवा भएका कैदीहरुमा तिनजना पूर्पक्षको र तिनजना सजाय पाएका रहेको जनाइएको छ ।
यसरी सरुवा गरिएका कैदीहरुमा धनुषाका जवरजस्ती करणीमा १० वर्ष कैद सजाय पाएका घिरज लामा, धनुषाकै कर्तव्य ज्यानमा २० वर्ष सजाय पाएका उमेश यादव तथा धनुषाकै कर्तव्य ज्यानमा २० वर्षका सजाय पाएका राजनमुक्ति भनिने रंजित झा रहेको जेलर ठाकुरले जानकारी दिनुभयो ।
त्यसैगरी लागुऔषध मुद्दामा पूर्पक्षमा कारागारमा रहेका जिल्लाको बथनाहाका दिपककुमार सिंह, कर्तव्य ज्यानमुद्दामा पूर्पक्षमा रहेका धनुषाका सुनिलकुमार अधिकारी र हातहतियार तथा कर्तव्य ज्यानमुद्दामा पूर्पक्षमा रहेका धनुषाका राकेशकुमार पाण्डेलाई सुनसरीको झुम्का कारागारमा सरुवा गरिएको हो ।
कारागारको तेस्रो तल्लाको छाना भत्किने अवस्थामा रहेको कारणले सुरक्षासमितिको निर्णय तथा कारागार व्यवस्थापन विभागको निर्देशनमा उनीहरुलाई अर्को कारागारमा सरुवा गरिएको जेलर ठाकुरले जानकारी दिनुभयो । माथिल्लो तल्लामा दुईसय भन्दा बढी कैदी बन्दीहरु रहेको र उनीहरुलाई पनि अन्य कारागारमा सार्ने प्रयास भइरहेको उहाँको कथन थियो ।
१ सय ३५ क्षमताको जिल्ला कारागार जलेश्वरमा अहिले ३४ महिला, ६ आश्रित बालबालिकासहित ३ सय ९१ कैदीबन्दीहरु रहेका छन् ।
यता, जिल्लाका मानवअधिकारवादीहरुले केही हप्ता अगाडी मात्रै जनतान्त्रिक तराई मुक्ति मोर्चाका अध्यक्ष राजनमुक्ति भनिने रंजित झालाई कारागारभित्र कुटपिट भएपश्चात असुरक्षा बढेको कारणले सरुवा गरेको हुन सक्ने जनाएका छन् ।
जलेश्वर, पुस २६ गते । महोत्तरी र धनुषा जिल्लाको लागि रहेको एकमात्र जलेश्वर कारागारका ६ जना कैदीलाई अन्य कारागार सरुवा गरिएको छ ।
जिल्ला कारागार महोत्तरीका जेलर शोभेन्द्र ठाकुरले कारागारको माथिल्लो तल्लाको भवन चर्किएको कारणले कारागारमा रहेका ६ जना कैदीलाई सुनसरीको झुम्का कारागारमा सरुवा गरिएको जानकारी दिनुभयो । सरुवा भएका कैदीहरुमा तिनजना पूर्पक्षको र तिनजना सजाय पाएका रहेको जनाइएको छ ।
यसरी सरुवा गरिएका कैदीहरुमा धनुषाका जवरजस्ती करणीमा १० वर्ष कैद सजाय पाएका घिरज लामा, धनुषाकै कर्तव्य ज्यानमा २० वर्ष सजाय पाएका उमेश यादव तथा धनुषाकै कर्तव्य ज्यानमा २० वर्षका सजाय पाएका राजनमुक्ति भनिने रंजित झा रहेको जेलर ठाकुरले जानकारी दिनुभयो ।
त्यसैगरी लागुऔषध मुद्दामा पूर्पक्षमा कारागारमा रहेका जिल्लाको बथनाहाका दिपककुमार सिंह, कर्तव्य ज्यानमुद्दामा पूर्पक्षमा रहेका धनुषाका सुनिलकुमार अधिकारी र हातहतियार तथा कर्तव्य ज्यानमुद्दामा पूर्पक्षमा रहेका धनुषाका राकेशकुमार पाण्डेलाई सुनसरीको झुम्का कारागारमा सरुवा गरिएको हो ।
कारागारको तेस्रो तल्लाको छाना भत्किने अवस्थामा रहेको कारणले सुरक्षासमितिको निर्णय तथा कारागार व्यवस्थापन विभागको निर्देशनमा उनीहरुलाई अर्को कारागारमा सरुवा गरिएको जेलर ठाकुरले जानकारी दिनुभयो । माथिल्लो तल्लामा दुईसय भन्दा बढी कैदी बन्दीहरु रहेको र उनीहरुलाई पनि अन्य कारागारमा सार्ने प्रयास भइरहेको उहाँको कथन थियो ।
१ सय ३५ क्षमताको जिल्ला कारागार जलेश्वरमा अहिले ३४ महिला, ६ आश्रित बालबालिकासहित ३ सय ९१ कैदीबन्दीहरु रहेका छन् ।
यता, जिल्लाका मानवअधिकारवादीहरुले केही हप्ता अगाडी मात्रै जनतान्त्रिक तराई मुक्ति मोर्चाका अध्यक्ष राजनमुक्ति भनिने रंजित झालाई कारागारभित्र कुटपिट भएपश्चात असुरक्षा बढेको कारणले सरुवा गरेको हुन सक्ने जनाएका छन् ।
